सोलापूर: भाजपचे प्रवक्ता किरीट सोमय्या हे महाविकास आघाडीचे सरकार असताना नेहमी चर्चेत होते. मविआतील अनेक नेत्यांविरोधात माहितीचा अधिकार कायद्याचा वापर करत मोठमोठे घोटाळे बाहेर काढले होते.किरीट सोमय्या यांची अनेकदा भाजप नेत्यांनी पाठराखण केली होती. या ना त्या कारणाने चर्चेत राहणारे किरीट सोमय्या यंदा मात्र वेगळ्याच कारणाने चर्चेत आले आहेत.राज्यभर किरीट सोमय्या विरोधात संतापाची लाट उसळली आहे.सोलापुरातील काँग्रेस नेत्यांनी देखील किरीट सोमय्या यांच्या अश्लील व्हिडीओचा कडाडून विरोध करत भाजपच्या महिल्या नेत्यांना टार्गेट केले आहे. भाजपच्या चित्रा वाघ आता कुठे आहेत,असा सवाल काँग्रेसच्या महिला नेत्या व माजी नगरसेविका फिरदोस पटेल यांनी उपस्थित केला आहे. मंगळवारी चिंब पावसात काँग्रेसकडून किरीट सोमय्या यांच्या पोस्टरला प्रतिकात्मक हातोडा मारून निषेध करण्यात आला.
भाजपच्या महिला नेत्या चित्रा वाघ यांच्यावर काँग्रेसकडून टीका
भाजपच्या महिला नेत्या चित्रा वाघ यांच्यावर काँग्रेसकडून टीका
किरीट सोमय्या यांचे व्हिडीओ समोर आल्यानंतर राजकीय वर्तुळात एकच खळबळ उडाली होती. हा व्हिडीओ सोशल मीडियावर वायरल झाल्याने किरीट सोमय्या अडचणीत आले आहे.भाजपमधील अनेक महिला नेत्या यावर मूग गिळून गप्प आहेत.काँग्रेसच्या महिला नेत्यांनी कडक शब्दांत किरीट सोमय्यावर टीका केली आहे.अल्पसंख्याक सेल मधील महिला नेत्या फिरदोस पटेल यांनी भाजपच्या चित्रा वाघ यांना लक्ष्य केले. उर्फी जावेदच्या कपड्यांवर बोलणाऱ्या चित्रा वाघ आता किरीट सोमय्या यांच्या व्हिडीओवर का बोलत नाहीत,असा सवाल उपस्थित केला आहे. काँग्रेसच्या महिला नेत्यांनी व पदाधिकऱ्यांनी एकत्रित येत मंगळवारी सायंकाळी मौलाली चौक परिसरात किरीट सोमय्या यांचा निषेध केला.सोमय्या यांच्या बॅनरला प्रतिकात्मकरित्या हातोडा मारून ,पायदळी तुडवत भाजपवर टीका केली.
अंबादास दानवेंनी बाह्या सरसावल्या, महाराष्ट्रद्रोही-उपरा म्हणत हल्लाबोल, सोमय्यांचा पेनड्राईव्ह उपसभापतींकडे!ठाण्यात जोडेमारो आंदोलन तर कळव्यात आंदोलनाची परवानगी नाकारली
भाजप नेते किरीट सोमय्या यांचा चित्रफीत (व्हिडीओ) वृत्तवाहिनीच्या माध्यमातून समोर आल्यानंतर राज्यात एकच खळबळ उडाली. मात्र या चित्रफितीनंतर राज्यात ऊबाठा शिवसेना आक्रमक झालेली पाहायला मिळाली. या घटनेचा निषेध करण्यासाठी राज्यात विविध ठिकाणी याचा निषेध व्यक्त करत आंदोलन करण्यात आले. याच पार्श्वभूमीवर ठाण्यात देखील दोन ठिकाणी आंदोलन करण्यात आले. मात्र कळवा येथे पार पडणाऱ्या आंदोलनाला पोलिसांनी परवानगी नाकारली त्यामुळे पोलीस आणि उबाठा महिला कार्यकर्त्यांमध्ये वाद झाला.
ठाण्यातील ऊबाठा शिवसेनेच्या वतीने मंगळवारी ठाण्यात दोन ठिकाणी भाजप नेते किरीट सोमय्या यांच्या विरोधात आंदोलन करण्यात आले. भाजपचे नेते किरीट सोमय्या यांचा एक कथित अश्लील चित्रफीत वृत्तवाहिनीच्या माध्यमातून समोर आला आहे. यासाठी आज ठाण्यातील ऊबाठा शिवसेना पक्षकडून जोरदार निदर्शने करण्यात आली. या आंदोलनाच्या दरम्यान ऊबाठा शिवसेना पक्षकडून जोरदार घोषणाबाजी करण्यात आली. किरीट सोमय्या यांच्या फोटोला जोडे मारून यावेळी निषेध दर्शवण्यात आला. या प्रकरणी सोमय्या यांच्यावर कारवाई करण्याची मागणी करत आंदोलनकर्त्यांनी केली आहे. ऊबाठा शिवसेनेचे ठाणे लोकसभा खासदार राजन विचारे यांच्या नेतृत्वाखाली आज हे आंदोलन करण्यात आले. ठाण्यातील कळवा शहरात ही उद्धव ठाकरे गटाच्या वतीने आंदोलन सुरू करण्यात आले.
सोमय्यांचा आक्षेपार्ह व्हिडीओ, चौफेर टीकेनंतर पहिली प्रतिक्रिया, फडणवीसांना पत्र लिहिलं
कळव्यात आंदोलनाला पोलिसांनी परवानगी नाकारली
भाजप नेते किरीट सोमय्या यांच्या विरोधात कथित अश्लील क्लिप समोर आल्यानंतर राज्यात ठिकठिकाणी सोमय्या यांच्यावर कारवाई करण्याची मागणी केली जात असताना ठाण्यातील कळवा शहरात देखील शिवसेना ठाकरे गटाच्या वतीने आंदोलन करण्यात आले. मात्र महिला आघाडीच्या वतीने आंदोलन सुरू असतानाच पोलिसांनी आंदोलनाची परवानगी नाकारून त्याठिकाणी जाऊन आंदोलन करणाऱ्या महिलांना मज्जाव केला. तसेच किरीट सोमय्या यांचे फोटो असणारा पोस्टरही आणि पुतळा पोलिसांनी जप्त करून आपल्या ताब्यात घेतला आहे. या नंतर महिला संतप्त झाल्या. आक्रमक महिलांनी पोलिसांशी वाद घालून आंदोलन दडपून टाकण्याचा निषेध केला. मात्र या घटनेमुळे काही काळ वातावरण तंग झाले होते. तरी पोलिसांनी त्वरित मध्यस्थी करून परिस्थिती नियंत्रणात आणली.