म.टा. प्रतिनिधी, नागपूर : पैशाच्या वादातून कुख्यात गुंडाने साथीदाराच्या मदतीने सक्करदरा पोलीस स्टेशन समोरून युवकाचे अपहरण केले. मारहाण करून त्याच्याकडील सोनसाखळी व मोबाइल हिसकावला. संधी साधून युवकाने स्वत:ची सुटका केल्याने अनर्थ टळला. ही खळबळजनक घटना सक्करदरा पोलीस स्टेशनसमोर घडली. गुन्हेशाखा पोलिसांनी या प्रकरणात गुंडासह तिघांना अटक केली.
हर्षल विनायक इंगळे (वय ३८, रा. धन्वंतरीनगर) असे युवकाचे तर कुख्यात प्रशांत ऊर्फ बॉबी धोटे (रा. तिरंगा चौक), प्रणय प्रकाश चन्ने (वय ३३, रा. महिला महाविद्यालयाजवळ, नंदनवन), मोहम्मद वसीम मोहम्मद नईम शेख (वय ३२, रा. न्यू नंदनवन लेआउट) अशी अटकेतील आरोपींची नावे आहेत. स्वप्नील मांडळकर (रा. न्यू नंदनवन) हा फरार असून पोलीस त्याचा शोध घेत आहेत. हर्षल हा मेट्रो रेल्वेत काम करतो. बॉबीविरुद्ध खुनासह अनेक गुन्हे दाखल असून त्याच्याविरुद्ध मोक्कांतर्गतही कारवाई करण्यात आली होती. दोन महिन्यांपूर्वी तो मोक्कातून सुटला.
हर्षल विनायक इंगळे (वय ३८, रा. धन्वंतरीनगर) असे युवकाचे तर कुख्यात प्रशांत ऊर्फ बॉबी धोटे (रा. तिरंगा चौक), प्रणय प्रकाश चन्ने (वय ३३, रा. महिला महाविद्यालयाजवळ, नंदनवन), मोहम्मद वसीम मोहम्मद नईम शेख (वय ३२, रा. न्यू नंदनवन लेआउट) अशी अटकेतील आरोपींची नावे आहेत. स्वप्नील मांडळकर (रा. न्यू नंदनवन) हा फरार असून पोलीस त्याचा शोध घेत आहेत. हर्षल हा मेट्रो रेल्वेत काम करतो. बॉबीविरुद्ध खुनासह अनेक गुन्हे दाखल असून त्याच्याविरुद्ध मोक्कांतर्गतही कारवाई करण्यात आली होती. दोन महिन्यांपूर्वी तो मोक्कातून सुटला.
घराबाहेर २० वर्षांपूर्वी गणपतीची मूर्ती बसवलेली, पुण्यात दाम्पत्याला ५ लाख ६२ हजारांचा दंड
पोलिसांनी दिलेल्या माहितीनुसार, बॉबीने हर्षलला या १५ हजार रुपये उधार दिले होते. मात्र, त्याने बॉबीला पैसे परत केले नाहीत. शनिवारी मध्यरात्री हर्षल व त्याचे साथीदार सक्करदरा पोलीस स्टेशनसमोरील विताली बारमध्ये होते. मध्यरात्री हर्षल बारमधून बाहेर आला. कारजवळ जातानाच बॉबी व त्याच्या साथीदाराने हर्षलला अन्य एका कारमध्ये कोंबले. चौघेही त्याला घेऊन सीताबर्डीतील व्हरायटी चौकात गेले. मारहाण करून त्याच्याकडून सोनसाखळी व मोबाइल हिसकावला. पाच लाख रुपयांची खंडणी मागितली.
हर्षलने कशीबशी स्वत:ची सुटका केली. तो थेट सीताबर्डी पोलीस स्टेशनमध्ये गेला व घटनेची माहिती दिली. सीताबर्डी पोलिसांनी सक्करदरा पोलिसांना कळविले. सक्करदरा पोलिसांनी अपहरणासह विविध कलमान्वये गुन्हा दाखल केला. गुन्हेशाखेचे उपायुक्त एम. सुदर्शन यांच्या मार्गदर्शनाखाली युनिट चारचे साहाय्यक पोलीस निरीक्षक अरविंद शिंदे, उपनिरीक्षक अविनाश जायभाये, हेडकॉन्स्टेबल सुनील ठवकर, देवेंद्र नवघरे, अतुल चाटे, दीपक चोले, संदीप मावलकर व श्रीकांत मारवाडे यांनी आरोपींचा शोध सुरू केला. बॉबी व त्याचे साथीदार प्रतापनगर पोलीस स्टेशन हद्दीतील जयताळा मार्गावरील डिजो लॉज व हॉटेलमध्ये असल्याची माहिती मिळाली.
दरम्यान, पोलिसांनी सापळा रचून तिघांना अटक केली. त्यांच्याकडून कार जप्त केली. तिघांनाही सक्करदरा पोलिसांच्या स्वाधीन केले.