कोल्हापूर: गेल्या वर्षभरापूर्वी शिवसेनेत एकनाथ शिंदे यांनी बंड केले आणि ४० आमदारांसह भाजपसोबत युती करत सरकार स्थापन केलं. यानंतर गेल्या वर्षभरात युती सरकारने अनेक निर्णय घेतले. ७५ वर्षांवरील जेष्ठ व्यक्तींना एसटी प्रवास मोफत करण्याच्या निर्णयाचे मोठ्या प्रमाणावर स्वागत करण्यात आले. शिवाय महिलांना अर्धे तिकीट केल्यामुळेही अनेक जण या निर्णयाचे कौतुक करत आहेत. काल राज्याचे मुख्यमंत्री एकनाथ शिंदे हे कोल्हापूर दौऱ्यावर आले असताना सभा आटोपून ते करवीर निवासिनी श्री. अंबाबाईचे दर्शन घ्यायला गेले. यावेळी तेथे एक ७५ वर्षे वयाचे आजोबा आले आणि त्यांनी एकनाथ शिंदे यांचे आभार मानत मोफत प्रवासाचा घेतलेला निर्णयाचे कौतुक देखील केले. दरम्यान हा व्हिडिओ आता सोशल मीडियामध्ये व्हायरल झाला आहे. या आजोबांनी एकनाथ शिंदे यांना मुंबईमध्ये भेटण्याची इच्छा देखील व्यक्त केली आहे.
राज्याचे मुख्यमंत्री एकनाथ शिंदे हे काल आगामी लोकसभा विधानसभा आणि स्थानिक स्वराज्य संस्थांच्या निवडणुकांच्या पार्श्वभूमीवर पक्ष संघटना मजबूत करण्यासाठी कोल्हापूर दौऱ्यावर आले होते. यावेळी त्यांनी पेटाळा मैदान येथे कार्यकर्त्यांचा भव्य मेळावा घेतला. यावेळी त्यांनी कोल्हापूर हा शिवसेनेचा बालेकिल्ला असून शिवसेना पक्षप्रमुख बाळासाहेब ठाकरे यांचा हा आवडता जिल्हा होता असे म्हटले. कोणत्याही प्रचाराचा आणि दौऱ्याचा शुभारंभ बाळासाहेब ठाकरे हे आई अंबाबाईचे दर्शन घेऊन करत होते असे मुख्यमंत्री म्हणाले.
राज्याचे मुख्यमंत्री एकनाथ शिंदे हे काल आगामी लोकसभा विधानसभा आणि स्थानिक स्वराज्य संस्थांच्या निवडणुकांच्या पार्श्वभूमीवर पक्ष संघटना मजबूत करण्यासाठी कोल्हापूर दौऱ्यावर आले होते. यावेळी त्यांनी पेटाळा मैदान येथे कार्यकर्त्यांचा भव्य मेळावा घेतला. यावेळी त्यांनी कोल्हापूर हा शिवसेनेचा बालेकिल्ला असून शिवसेना पक्षप्रमुख बाळासाहेब ठाकरे यांचा हा आवडता जिल्हा होता असे म्हटले. कोणत्याही प्रचाराचा आणि दौऱ्याचा शुभारंभ बाळासाहेब ठाकरे हे आई अंबाबाईचे दर्शन घेऊन करत होते असे मुख्यमंत्री म्हणाले.
मुकेश अंबानींना जगातील सर्वात श्रीमंत महिलेने मागे सारले, जाणून घ्या किती संपत्ती शिल्लक आहे
दरम्यान, पक्ष संघटनेसाठी त्यांनी शिवसैनिकांचे मार्गदर्शनही केले. यानंतर सभा आटोपून रात्री त्यांनी थेट श्री. करवीर निवासिनी अंबाबाईचे मंदिर गाठले. दरम्यान रात्री त्यांनी अंबाबाईचे दर्शन घेतले. यावेळी त्यांच्यासोबत आमदार, खासदार व पदाधिकारी उपस्थित होते. यावेळी पश्चिम महाराष्ट्र देवस्थान समितीचे व्यवस्थापक महादेव दिंडे यांनी त्यांना शाल व श्रीफळ दिले.
अदानी बदलणार आशियातील सर्वात मोठ्या झोपडपट्टीचे चित्र, जाणून घ्या कसा असेल धारावीचा मेकओव्हर
यानंतर एकनाथ शिंदे हे मंदिरा बाहेर येऊन पुढे जात असतानाच एका ७५ वर्षीय वृद्ध आजोबांनी त्यांना हाक मारली आणि त्यांचे आभार मानले. यावेळी मुख्यमंत्र्यांनी त्यांच्या जवळ जात आजोबांशी संवाद साधला. मला कोल्हापूर शहराबद्दल बोलायचं आहे आणि तेही मुंबईमध्ये येऊन असे म्हणत मुख्यमंत्र्यांना मुंबईमध्ये भेटण्याची इच्छा देखील या आजोबांनी व्यक्त केली. यावर मुख्यमंत्र्यांनी आपण जरूर भेटायला या असे सांगितले.
सिनेमा हॉलमध्ये खाद्यपदार्थ स्वस्त, कॅन्सरची औषधे करमुक्त; ऑनलाइन गेमिंग, कॅसिनोवर २८% GST
यानंतर आजोबांनी आपल्या सरकारने ७५ वर्षांवरील जेष्ठ नागरिकांना एसटीमधील प्रवास मोफत केला याबद्दल आभार मानले. तसेच या निर्णयामुळे मी सध्या सगळीकडे फुकट फिरत आहे असे मुख्यमंत्र्यांना सांगितले. हे ऐकून मुख्यमंत्री आणि त्यांच्यासोबत असलेले सर्वजण कौतुकाने हसू लागले. दरम्यान, हा व्हिडिओ आता सोशल मीडियामध्ये जोरदार व्हायरल होत असून आजोबांचा हजरजबाबीपणा पाहून कौतुक केले जात आहे.