महाराष्ट्रात ‘कोल्हापुरी’ महाडिक पॅटर्न, निवडून येईल त्याच्या हातात कमळ, भाजपचा फॉर्म्युला

अजित पवार यांना अर्थ खातं देण्यात आलं. या सोबतच सहकार, कृषी यासारखे तगडे खाते हे राष्ट्रवादीच्या नेत्यांना देण्यात आले आहेत. यामुळे खाते वाटपावरूनही शिंदे गटाचे आमदार नाराज असल्याचे दिसून येत आहे. खातेवाटपात राष्ट्रवादी काँग्रेसला झुकतं माप दिल्याचं दिसून येत आहे, असं अपक्ष आमदार बच्चू कडू म्हणाले. तसेच मागचा काळ पाहिला तर अजितदादांना अर्थ खातं देण्यास आमचा सर्वांचाच विरोध होता. मात्र आता अर्थ खातं जरी अजितदादांना दिलं असलं तरी मुख्यमंत्री एकनाथ शिंदेच आहेत आणि एकनाथ शिंदे यांच्यावर आमचा विश्वास आहे. एकनाथ शिंदे मागे जे झालं ते आता होऊ देणार नाहीत, असं बच्चू कडू पुढे म्हणाले.

या मंत्रिमंडळ विस्तारात मी मंत्री पद मागत होतो. मात्र मला मंत्रालय मिळालं. यामुळे मी नाराज नाही. उलट दिव्यांग बांधवांसाठी कोणताही निधी मी कमी पडू देणार नाही. याची आम्ही काळजी घेऊ. येत्या १७ तारखेला माझी मुख्यमंत्र्यांसोबत भेट होणार आहे. यानंतर १८ तारखेला मी माझा निर्णय जाहीर करेल, असं अपक्ष आमदार बच्चू कडू यांनी सांगितलं. यामुळे १८ तारखेला बच्चू कडू काय निर्णय घेणार हे याकडे आता सर्वांचं लक्ष आहे.