कोल्हापूर: राष्ट्रवादी काँग्रेसमध्ये झालेल्या बंडानंतर अजित पवार यांनी उपमुख्यमंत्री पदाची शपथ घेत महायुतीमध्ये सामील झाले. त्यांच्यासोबत कोल्हापूरचे कागल विधानसभा मतदारसंघाचे आमदार हसन मुश्रीफ आणि चंदगड विधानसभेचे आमदार राजेश पाटील यांनी देखील मंत्रिपदाची शपथ घेतली. मुश्रीफ त्यांच्यासोबत गेल्याने जिल्ह्याला राष्ट्रवादी काँग्रेसमध्ये मोठा फटका बसला तर अनेक कार्यकर्ते देखील विभागले गेले.
याच पार्श्वभूमीवर आपण घेतलेला निर्णय हा का घेतला हे सांगण्यासाठी आज कोल्हापूरमध्ये जिल्हा राष्ट्रवादी काँग्रेस अजित पवार गटाकडून मेळावा घेण्यात आला. यावेळी जिल्ह्याचे आमदार, नवनियुक्त पदाधिकारी आणि कार्यकर्ते उपस्थित होते. राष्ट्रवादी काँगेस पक्ष बळकट करण्यासाठी अजित पवार यांनी घेतलेल्या भूमिकेला आम्ही कुठे विरोध केला नाही. शरद पवार हे आमचे विठ्ठल आहेत आणि विठ्ठलच राहणार आहेत, असे हसन मुश्रीफ म्हणाले आहेत.
याच पार्श्वभूमीवर आपण घेतलेला निर्णय हा का घेतला हे सांगण्यासाठी आज कोल्हापूरमध्ये जिल्हा राष्ट्रवादी काँग्रेस अजित पवार गटाकडून मेळावा घेण्यात आला. यावेळी जिल्ह्याचे आमदार, नवनियुक्त पदाधिकारी आणि कार्यकर्ते उपस्थित होते. राष्ट्रवादी काँगेस पक्ष बळकट करण्यासाठी अजित पवार यांनी घेतलेल्या भूमिकेला आम्ही कुठे विरोध केला नाही. शरद पवार हे आमचे विठ्ठल आहेत आणि विठ्ठलच राहणार आहेत, असे हसन मुश्रीफ म्हणाले आहेत.
शरद पवार यांचे कट्टर कार्यकर्ते म्हणून ओळखले जाणारे आमदार हसन मुश्रीफ अजित पवार यांच्यासोबत गेल्याने आणि भाजपसोबत मैत्री केल्याने त्यांच्यावर अनेक टीका करण्यात आल्या. ईडीची कारवाईमुळे हसन मुश्रीफ भाजपसोबत गेल्याचे आरोप त्यांच्यावर करण्यात आले. दरम्यान याबाबत बोलताना ते म्हणाले, २०१४ ला भाजपला बाहेरून पाठिंबा देण्याचा निर्णय सरकारने घेतला. २०१७ आणि २०१९ ला ही निर्णय घेतला. चर्चा देखील झाली. यावेळी माझ्यावर कोणतीही ईडी कारवाई नव्हती. सध्या ईडीच्या कारवाईत न्यायालयाने मला दिलासा दिला आहे. न्यायालय मला योग्य तो न्याय देईल. त्यामुळे ईडीच्या भीतीने मी सत्तेत गेलो हे डोक्यातून काढून टाका.
ते पुढे म्हणाले की, मी केवळ राज्याच्या विकासासाठी आणि पक्ष बळकट करण्यासाठी अजितदादांना साथ देण्याचा ठरवलं आहे. तसेच राष्ट्रवादी काँग्रेसच्या दुसऱ्या गटावर टीका करू नका. त्यांचं काम त्यांना करू द्या, आपण आपल काम प्रामाणिकपणे पार पाडा असेही ते म्हणाले. दरम्यान शपथविधी झाल्यानंतर आठवडा ओलांडला तरी देखील खातेवाटप झाले नाही. यामुळे महायुतीमध्ये नाराजी असल्याच्या चर्चा सुरू होत्या. मात्र काल खाते वाटप झाले आणि हसन मुश्रीफ यांना वैद्यकीय शिक्षण आणि विशेष सहाय्यक खाते देण्यात आलं.
याबाबत बोलताना ते म्हणाले, मला मिळालेल्या दोन्ही खात्यांमध्ये काम करण्यात मला आनंद आणि इंटरेस्ट आहे. माझ्याकडे यापूर्वी विधी आणि न्याय खातं होतं. यावेळी पंचतारांकित आणि सप्ततारांकित रुग्णालयात कायदा करून मोफत उपचार आणि लाखो ऑपरेशन करण्यामध्ये यश मिळवलं होतं आणि यामुळेच आज देखील आठवड्याला २० ते २५ रुग्णांना मुंबईत ऑपरेशनला घेऊन जातो. या १८ ते २० वर्षात लाखो लोकांचे ऑपरेशन्स झाले. विविध योजना आणल्या, वृद्ध दांपत्यासाठी श्रावण बाळ योजना देशात मीच पहिल्यांदा आणली. त्यामुळे माझं नाव श्रावणबाळ पडलं, असेही मुश्रीफ यावेळी म्हणाले.
मुंबईचं महापौरपद सेनेला कसं मिळालं, एकनाथ शिंदेंनी गुपित फोडलं, ठाकरेंवर जोरदार हल्लाबोल
तसेच स्वर्गीय खानविलकर साहेबांच्या आशीर्वादाने सीपीआर रुग्णालय आणखी चकाचक करणार असून सीपीआर सोबतच राज्यातील सर्व सरकारी दवाखान्यांमध्ये सुविधा अत्याधुनिक करून सरकारी दवाखान्यांबद्दल सर्वसामान्यांमध्ये असलेली भूमिका ही पूर्णपणे बदलून टाकण्याचा प्रयत्न करेन, असे ते यावेळी म्हणाले आहेत. तसेच या कार्यकाळात मला पालकमंत्री पदाची जबाबदारी येणार आहे की नाही माहिती नाही पण कोल्हापुरातील अनेक प्रश्न मार्गी लावायचे आहेत. यंदाच्या दिवाळीला थेट पाईपलाईनच्या पाण्याने आंघोळ करणार. मात्र पाऊस पडला पाहिजे असे म्हणत त्यांनी गाढवा-गाढवीची लग्न लावा पण पावसासाठी प्रार्थना करा. महापूर आला तर चालेल पण धरणं भरू दे, असेही ते म्हणाले आहेत.