अन्य कार्यालयांप्रमाणे येथेही संथ गतीने चालणाऱ्या किंवा बंद पडणाऱ्या सर्व्हरची समस्या आहे. कधी दहा मिनिटांत नोंदणी प्रक्रिया पूर्ण होते, तर कधी चार-पाच तासही ताटकळावे लागते. अन्य कार्यालयांच्या तुलनेत या कार्यालयाची स्थिती ठीक असली, तरी पूर्वी येथील लिफ्ट सुरू होती, दस्तनोंदणीसाठी थांबलेल्यांसाठी पाण्याच्या कूलरची व्यवस्था होती. आता मात्र लोकांना गैरसोयींना तोंड द्यावे लागत असून, त्यात सुधारणा करण्याची गरज असल्याचे चित्र आहे.

प्रसाधनगृह आहे कोठे?

या कार्यालयात प्रसाधनगृह आहे खरे; मात्र ते नेमके कोठे आहे, हेच अनेकांना उमगत नाही. सहदुय्यम निबंधकांचे कॅबिन ओलांडून रेकॉर्ड रूमच्या पार मागे प्रसाधनगृह असल्याने ते विचारल्याशिवाय लक्षात येत नाही. महिलावर्ग प्रसाधनगृह कोठे आहे, हे विचारण्यास कचरतो. त्यामुळे प्रसाधनगृहाची ठळक पाटी लावणे आवश्यक आहे.
कार्यालय की खुराडे? महसूल सव्वाशे कोटींचा, पण सुविधा? नाशिकच्या ‘या’ सरकारी कार्यालयाची दयनीय अवस्था
वर्ष दस्त नोंदणी महसूल
२०२२-२३ : १४,८१४ १,६५,१२,५४,५०८ रुपये

– नियमित स्वच्छता होत नसल्याने जिन्यांमध्ये कचरा
– सर्व जिने तंबाखूच्या पिचकाऱ्यांनी रंगलेले
– दुपारी गर्दीच्या वेळी वकील व पक्षकारांना बसण्यासाठी जागा मिळत नाही
– कार्यालयातील बाके अपुरी असल्याने अनेकदा अभ्यागतांना बाहेर व्हरांड्यातच थांबावे लागते