वॉर्डात २५ रुग्णांवर उपचार सुरू होते. मात्र कोणत्याही रुग्णाला कोणतीही अडचण आली नसल्याचे सांगण्यात येत आहे. मात्र, अचानक लागलेल्या आगीमुळे रुग्णांमध्ये भीतीचे वातावरण निर्माण झाले. याआधीही बालरोग विभागातील नवजात शिशु अतिदक्षता विभागात ‘शॉर्ट सर्किट’मुळे आग लागली होती. त्यावेळी कार्यरत असलेल्या परिचारिकांच्या मेहनतीमुळे १० नवजात बालके वाचली. मेयो रुग्णालयात अग्निशमन उपकरणे बसवण्यात आली आहेत. मात्र त्यांची नियमित देखभाल केली जात नाही. आज आग लागली तेव्हा वॉर्डातील फायर अलार्म वाजला नाही. मात्र, खोलीतील धूर पाहून तेथे उपस्थित लोकांनी आरडाओरडा केल्यावर आग लागल्याचे कळले.