विधानभवनात पार पडलेल्या या बैठकीला मुख्यमंत्री एकनाथ शिंदे, उपमुख्यमंत्री अजित पवार, संसदीय कार्यमंत्री चंद्रकांत पाटील यांच्यासह विधानसभा सदस्य छगन भुजबळ, जयंत पाटील, बाळासाहेब थोरात, गिरीश महाजन, अशोक चव्हाण, उदय सामंत, अमिन पटेल, आशीष शेलार, नरहरी झिरवाळ, तसेच विधान परिषदेतील विरोधी पक्षनेते अंबादास दानवे आदी उपस्थित होते.

महाविकास आघाडीची बैठक

दरम्यान, कामकाज सल्लागार समितीच्या बैठकीपूर्वी महाराष्ट्र विकास आघाडीच्या नेत्यांची बैठक झाली. या बैठकीला राष्ट्रवादीचे जयंत पाटील, काँग्रेसचे अशोक चव्हाण, बाळासाहेब थोरात, शिवसेनेचे आदित्य ठाकरे आदी उपस्थित होते. या बैठकीत पावसाळी अधिवेशनातील रणनीतीवर चर्चा करण्यात आली.
संसदेच्या पावसाळी अधिवेशनाची तारीख ठरली; विरोधक कोणत्या मुद्द्यावर मोदी सरकारशी भिडणार?
गोऱ्हे यांच्या विरोधातील प्रस्ताव मागे

भाजपकडून नीलम गोऱ्हे यांच्यावर दाखल करण्यात आलेला अविश्वास ठराव मागे घेणार असल्याचे समजते. कामकाज सल्लागार समितीच्या बैठकीत प्रवीण दरेकर यांनी हा प्रस्ताव मांडला होता. तर प्रसाद लाड यांनी या प्रस्तावाला अनुमोदन दिले आहे. उपसभापती नीलम गोऱ्हे पक्षपाती भूमिका घेत असल्याचा आरोप दरेकर यांनी विरोधीपक्ष नेते असताना केला होता. यानंतर त्यांनी गोऱ्हे यांच्याविरोधात सभापतींकडे अविश्वास ठराव दाखल केला होता. मात्र आता हा दाखल करण्यात आलेला अविश्वास प्रस्ताव मागे घ्यावा असा प्रस्ताव दरेकर यांनी मांडला आहे.