स्थानिक स्वराज्य संस्थांच्या निवडणुकांचं बिगुल लवकरच वाजणार; निवडणूक आयोगाकडून तयारी सुरू
विधानपरिषदेतील ठाकरे गटाचं संख्याबळ कमी होत असल्यामुळे या प्रवेशानंतर ठाकरे गटाकडे असलेलं विरोधी पक्षनेतेपदही जाण्याची शक्यता आहे. त्यामुळे सध्या विधानपरिषदेत विरोधी पक्ष नेतेपदाची धुरा सांभाळणाऱ्या अंबादास दानवे यांच्यावर टांगती तलवार आहे. सध्याची राजकीय परिस्थिती बघता काँग्रेस विरोधी पक्षनेते पदावर दावा करू शकते.

शरद पवारांचे आणखी तीन मोहरे अजितदादांच्या गळाला? देवगिरी बंगल्यावर रात्री गुप्त राजकीय खलबतं
दरम्यान, काही दिवसांपूर्वीच ठाकरे गटातील विधानपरिषदेच्या आमदार मनिषा कायंदे यांनी एकनाथ शिंदेंच्या नेतृत्त्वातील शिवसेनेत प्रवेश केला होता. मनिषा कायंदेंनी शिंदेंच्या गटात जाताना उद्धव ठाकरेंवर हल्लाबोल केला होता. मनिषा कायंदे यांनी एकनाथ शिंदे यांचा राज्याचे लाडके आणि अतिशय लोकप्रिय मुख्यमंत्री असा उल्लेख केला होता. आमदार संजय शिरसाट, शितल म्हात्रे, रवींद्र फाटक आणि शिवसैनिक यांच्यासह संभाजीनगरमधून उपस्थित असलेल्या महिला कार्यकर्त्यांचे त्यांनी आभार मानले होते.

महाराष्ट्रात पुन्हा राजकीय भूकंप? पंकजा मुंडे-सोनिया गांधींच्या गुप्त भेटीची चर्चा, पंकजा काँग्रेसमध्ये जाणार?
महाविकास आघाडी झाली हा निर्णय जुन्या शिवसैनिकांना आवडला नव्हता. सरकारचं काम व्यवस्थित झालं नाही. पक्षप्रमुखांशी बोलू शकत नाही, मनोगत व्यक्त करु शकत नाही. कुणी कार्यकर्त्यांकडून पैसे उकळतं, महिला शिवसैनिकांकडून पैसे उकळत असेल तर योग्य नव्हतं, असा आरोपही मनिषा कायंदे यांनी पक्षांतरावेळी केला होता.