अविनाश परदेशी खून प्रकरणातील संशयित आरोपी असलेल्या सागर कांबळे याला अटक व्हावी म्हणून भूषण पाटील हा वेळोवेळी पोलीस प्रशासनाला निवेदन देत आहे. भूषण पाटील हा या संपूर्ण प्रकरणात लक्ष घालत आहे. म्हणून काही दिवसांपूर्वी भूषण पाटील याला या खून प्रकरणातील फरार असलेला संशयित आरोपी सागर कांबळे यांच्या साथीदारांनी जिवे मारण्याची धमकी दिली आहे. याची तक्रार शहर पोलीस ठाण्यात भूषण पाटील याने केली आहे. मात्र, पोलीस कुठल्याही प्रकारे सहकार्य करत नसल्यामुळे भूषण पाटील याने काल थेट मुंबईत मंत्रालयात मंत्र्यांच्या ताफ्यासमोर आत्मदहनाचा प्रयत्न केला होता.
Dhule Accident: कंटेनर अपघातात होत्याचं नव्हतं, उघड्यावर पडलेल्या कुटुंबांना सेवाभावी संस्थेकडून महिन्याचा शिधामंत्रालयात यावेळी बंदोबस्ताला असलेल्या मरीन ड्राइव्ह पोलिसांनी त्याला वेळीच ताब्यात घेतले. मरीन ड्राइव्ह पोलीस ठाण्यात भूषण पाटील याला घेऊन जाण्यात आले. काही वेळाने अदाखलपात्र गुन्हा दाखल करून नोटीस बजावून सोडून देण्यात आल्याची माहिती भूषण पाटील याने दिली.
अविनाश परदेशी खुनातील मुख्य संशयित आरोपी सागर कांबळे याला लवकरात लवकर अटक करावी. आणि आपल्याला पोलीस संरक्षण तात्काळ मिळावे, या मागण्या आठ दिवसांत मान्य न झाल्यास पुन्हा टोकाचे पाऊल उचलावे लागेल, असा इशारा भूषण पाटील याने दिला आहे. तसेच १० जुलैला मुख्यमंत्री हे धुळे दौऱ्यावर येणार असल्याने त्यांना काळे झेंडे दाखवणार, असा इशाराही भूषण पाटील याने दिला आहे.