कल्याण : कल्याण जवळील विठ्ठलवाडी रेल्वे स्थानकावर उभ्या असलेल्या एका विवाहित महिलेला तरुणाने येऊन “तू मला ब्लॉक का केलंस?” असं विचारलं. इतक्यात महिलेचा पती तिथे आला आणि दोघांमध्ये जोरदार राडा झाला. यावेळी महिलेची छेड काढत तिच्या पतीसोबत हाणामारी करणारा तरुण रोहित गायकवाड याला कल्याण रेल्वे पोलिसांनी अटक केली आहे. रेल्वे पोलिसांकडून पुढील तपास सुरु आहे.
ठाणे जिल्ह्यातील उल्हासनगर शहरामध्ये राहणारी संबंधित विवाहित महिला तिच्या पतीसोबत बाहेर निघाली होती. डोंबिवलीला जाण्यासाठी विठ्ठलवाडी रेल्वे स्थानकात ती पोहोचली. दुपारी साडेचार वाजताच्या सुमारास दोघे पती पत्नी गाडीची वाट बघत उभे होते.
ठाणे जिल्ह्यातील उल्हासनगर शहरामध्ये राहणारी संबंधित विवाहित महिला तिच्या पतीसोबत बाहेर निघाली होती. डोंबिवलीला जाण्यासाठी विठ्ठलवाडी रेल्वे स्थानकात ती पोहोचली. दुपारी साडेचार वाजताच्या सुमारास दोघे पती पत्नी गाडीची वाट बघत उभे होते.
यावेळी पती पाण्याची बाटली घेण्याकरीता कॅन्टीनकडे गेला. याच वेळी एक तरुण महिलेच्या जवळ आला. त्याने “तू मला ब्लॉक का केलंस?” अशी महिलेला विचारणा केली. याच दरम्यान तिचा पतीही तिथे आला आणि पतीने त्याला जाब विचारला.
CCTV | चिखलात चप्पल घसरली, तरुण डीपी बॉक्सवर पडला, विजेच्या जोरदार धक्क्याने तडफडून अंत
यातून दोघांमध्ये वाद झाला. या वादाचे रुपांतर हाणामारीत झाले. नागरिकांनी त्यांची हाणामारी सोडविली. या प्रकरणी विठ्ठलवाडी स्टेशनवर असलेल्या पोलिसांच्या मदतीने रोहित गायकवाड या तरुणाला ताब्यात घेण्यात आले आहे.
कल्याण जीआरपी पोलिसांनी रोहित गायकवाड याच्या विरोधात कलम ३५४, ३५४ ड आणि ३२३ प्रमाणे गुन्हा दाखल करुन अटक केली आहे. बुधवारी त्याला न्यायालयात हजर केले असता न्यायालयाने त्याची न्यायालयीन कोठडीत रवानगी केली असल्याची माहिती वरिष्ठ पोलिस निरिक्षक महेश ढगे यांनी दिली आहे.