संभाजीराजे काय म्हणाले?

तात्या मी आपली पोस्ट पाहिली. आपण नेहमी परखड भूमिका घेत असता. चांगल्याला चांगलं-वाईटाला वाईट म्हणत असता. त्याचमुळे आपण कुठल्या पक्षात आहात हे न पाहता मी आपल्याला फोन केला. जंगलात वगैरे जायची भाषा आपण केली. ती बरोबर नाही. महाराष्ट्रात जे चाललंय ते चुकीचंच आहे, हे जसं आपल्याला वाटतंय तसंच आम्हालाही वाटतंय. पण म्हणून निराश होण्याचं कारण नाही. आपल्यासारख्या माणसांची राजकारणात खूप गरज आहे. खरं तर आपल्यासारख्या माणसांच्या यामुळे अधिक जबाबदाऱ्या वाढल्यात, अशी जाणीवही संभाजीराजेंनी वसंत तात्यांना करुन दिली.

कधी पहाटेचा शपथविधी ऐकायचा… कधी भर दुपारी असे प्रकार… घाणेरड्या विचारांचे लोक राजकारणात आहेत. असलं राजकारण पाहण्यापेक्षा जंगलात गेलेलं बरं… अशी खंतही तात्यांनी पुन्हा संभाजीराजेंना बोलून दाखवली. त्यावर संभाजीराजे म्हणाले, अशा लोकांना घाणीत जाऊ द्या ना.. आपल्याला काय करायचंय… आपल्या मनाला कितीही पटलं नाही तरी चुकीचा विचार करायचा नाही. उलट आपली जबाबदारी अधिक वाढलीये, असं राजे तात्यांना म्हणाले.