उपमुख्यमंत्री आणि राष्ट्रवादीचे नेते अजित पवार यांना पक्षातील ४३ आमदारांचा पाठिंबा असल्याची माहिती सूत्रांनी दिली आहे. राज्यातील सत्तेत राष्ट्रवादीचे ४३ आमदार सहभागी होणार आहेत. विधानपरिषदेतील ६ आमदारही अजित पवार यांच्या भूमिकेशी सहमत आहेत. आणि एकूण ३ खासदार अजित पवार यांच्यासह जाण्यास तयार असल्याचं सांगण्यात येत आहे.
आधी शिंदे, आता अजित पवार; फडणवीसांचे विरोधकांना धक्के; अजितदादा ‘देवेंद्रवासी’ कसे झाले?
एकीकडे अजित पवारांच्या रूपात राष्ट्रवादी काँग्रस सत्तेत सभागी झाली असताना दुसरीकडे मंत्रीमंडळ विस्ताराची वाट पाहत असलेल्या शिवसेनेत चलबिचल सुरू झाली आहे. ही चलबिचल दूर करण्यासाठी लवकरच आणखी एक मंत्रिमंडळ विस्तार होणार असल्याची माहिती सूत्रांनी दिली आहे. युतीतील ९० टक्के इच्छुकांची नाराजी दूर करण्यात यश आल्याचं बोललं जात आहे.

अजित पवारांसोबत शपथ घेतलेल्या मंत्र्यांच्या खातेवाटपावर उद्यापर्यंत शिक्कामोर्तब होणार आहे. तसंच महायुतीत असलेल्या घटक पक्षांची समजूत काढण्यात यश आल्याचंही सांगण्यात येत आहे. यामुळे आता नव्या मंत्रिमंडळ विस्तारातून आणखी एक धमाका होणार की नाराजांची वर्णी लागणार? असा प्रश्न उपस्थित केला जात आहे.