अमरावती : राज्याच्या माजी महिला व बालविकास मंत्री आणि काँग्रेस नेत्या यशोमती ठाकूर यांनी राज्यातील सत्तानाट्यावर ताशेरे ओढले आहेत. बुलढाणा जिल्ह्यातील सिंदखेडा येथील पिंपळखुटा येथे काल झालेल्या अपघातात २६ जणांचा मृत्यू झाला होता. त्या घटनेतील मृतांच्या चितेची आग सुद्धा पूर्णपणे थंड झाली नव्हती त्यावेळी सत्तेचा घोळ घातला गेला हे महाराष्ट्रातील जनता उघड्या डोळ्यानं बघतेय, असं म्हटलं. हे लोक इतके असंवेदनशील कसे, असा प्रश्न देखील यशमोती ठाकूर यांनी उपस्थित केला.
हे महाराष्ट्रातील जनता उघड्या डोळ्यांनी बघतेय : यशोमती ठाकूर
काल समृद्धी महामार्गावर झालेल्या भीषण अपघातानंतर त्या अपघातामध्ये बळी पडलेल्या निष्पाप लोकांच्या चितेची आग सुद्धा पूर्णपणे थंड झाली नसेल त्या वेळेत राज्यात हा सत्तेचा घोळ घातला गेला. हे महाराष्ट्रातील जनता उघड्या डोळ्यांनी बघत आहे. सत्तेसाठी हपापलेले हे लोक इतके असंवेदनशील असू शकतात याची कल्पना देखील करू शकत नाही, अशी टीका आमदार यशोमती ठाकूर यांनी आज घडलेल्या राजकीय घडामोडीवर केलेली आहे.
आम्ही कॉंग्रेस पक्षाचे पाईक आहोत. आणि आम्ही आमच्या शब्दांवर कायम पक्के आहोत. आम्ही जनमताचा असा अपमान कदापी करु शकत नाही. आम्ही महाराष्ट्रातील जनतेला आश्वासन देतो की एक सक्षम विरोधी पक्ष म्हणुन जनहिताचे काम आम्ही सातत्याने करीत राहू, असं यशोमती ठाकूर म्हणाल्या. हे जे खिचडी सरकार स्थापण झालेले आहे त्याला काहीही तथ्य नसून हे खिचडी सरकार फार काळ चालूच शकणार नाही, असंही त्या म्हणाल्या.
संविधानाचा खेळखंडोबा करणाऱ्यांना जनता माफ करणार नाही..
काल समृद्धी महामार्गावर झालेल्या भीषण अपघातानंतर त्या अपघातामध्ये बळी पडलेल्या निष्पाप लोकांच्या चितेची आग सुद्धा पूर्णपणे थंड झाली नसेल त्या वेळेत राज्यात हा सत्तेचा घोळ घातला गेला हे महाराष्ट्रातील जनता उघड्या डोळ्यांनी बघत… pic.twitter.com/DFnZnNwckl
— Adv. Yashomati Thakur (@AdvYashomatiINC) July 2, 2023
महाराष्ट्र राज्यामध्ये संविधानाची तोडफोड सातत्याने होत आहे हे सहन करण्यासारखे नाही. आम्ही संविधानाचा मान राखला जावा याकरीता सक्षम विरोधी पक्ष म्हणुनच कार्य करु, असेही यशोमती ठाकूर यावेळी म्हणाल्या..
बेन स्टोक्स लढला पण इंग्लंडचा संघ हरला… Ashes 2023 मध्ये ऑस्ट्रेलियाचा दुसरा थरारक विजय
दरम्यान अजित पवार यांनी उपमुख्यमंत्रीपदाची तर छगन भुजबळ, दिलीप वळसे पाटील, हसन मुश्रीफ, धनंजय मुंडे, धर्मराव बाबा आत्राम, आदिती तटकरे, संजय बनसोडे आणि अनिल भाईदास पाटील यांनीही मंत्रिपदाची शपथ घेतलेली आहे.
Jayant Patil: अजितदादांना वर्षभरापूर्वी ऑफर दिलेली, जयंत पाटलांनी नेमका कोणता किस्सा सांगितला?