नागपूर: समृद्धी महामार्गावर अपघाताचे सत्र सुरूच आहे. समृद्धी महामार्गावर बुलढाण्याजवळ पिंपळखुटा येथे विदर्भ ट्रॅव्हलचा भीषण अपघात झाला आहे. प्राथमिक माहितीनुसार चालकाचे नियंत्रण सुटल्याने बस थेट डिव्हायडरला धडकली. यानंतर ट्रॅव्हल्स बसने पेट घेतल्यामुळे २५ हून अधिक प्रवाशांचा जागीच होरपळून मृत्यू झाला. रात्री दोनच्या सुमारास ही घटना घडली. ही बस नागपूरहून पुण्याला जात होती. या बसमध्ये एकूण ३३ प्रवासी होते. यात अधिकतर प्रवासी यवतमाळ, वर्धा, नागपूर येथील होते. यात नागपुरातील दिघोरी या भागात राहणाऱ्या जोया शेख यांचा देखील समावेश होता.
घरची बेताची परिस्थिती, त्यात अवेळी वडिलांच्या मृत्यू आणि आईची प्रकृती कायम अस्वस्थेमुळे घराची सर्व जबाबदारी ३ भावडांवर येऊन पडली, त्यातील मोठा भाऊ अझरुद्दीन शेख आणि झाकीर शेख हे टाइल्स बसविण्याची काम करतात. तर बहीण जोया शेख ही एका इव्हेंट कंपनीत काम करत होती. जोया शेख ही कामानिमित्त कायम बाहेरगावी जात होती.
घरची बेताची परिस्थिती, त्यात अवेळी वडिलांच्या मृत्यू आणि आईची प्रकृती कायम अस्वस्थेमुळे घराची सर्व जबाबदारी ३ भावडांवर येऊन पडली, त्यातील मोठा भाऊ अझरुद्दीन शेख आणि झाकीर शेख हे टाइल्स बसविण्याची काम करतात. तर बहीण जोया शेख ही एका इव्हेंट कंपनीत काम करत होती. जोया शेख ही कामानिमित्त कायम बाहेरगावी जात होती.
लाडकी लेक पुण्याला निघाली, अपघाताचं समजताच माऊलीचा एकच टाहो; म्हणाली, मला तिच्याकडे घेऊन चला
कामातून सुट्टी घेत नुकतीच पार पडलेल्या ईद सणांच्या निमित्याने घरी आलेली जोया ईदनंतर परत कामासाठी पुण्याला परत जात असताना काळाने तिच्यावर झडप घातली आणि नागपूरहून पुण्याला जाणाऱ्या विदर्भ ट्रॅव्हल्स अपघातात तिचा दुर्दैवी मृत्यू झाला. या घटनेमुळे घरातील कर्ता व्यक्ती आणि एकुलती एक बहिणीचा असा अपघाती मृत्यू झाल्याने शेख कुटुंबियांवर शोककळा पसरली आहे.
१.२० मिनिटांनी बहिणीशी फोनवर बोलला, १.२२ वाजता बसला अपघात, भाऊराया गेला; चटका लावणारी कहाणी
जोया ही एका खाजगी इव्हेंट कंपनीत काम करत होती. त्यानिमित्त अनेक ठिकाणी कामा निमित्त जोयाचे येणे-जाणे होते. नागपुरातील दिघोरी भागात भाड्याच्या घरात राहणाऱ्या जोयाचे स्वतःचे घर असावे असे स्वप्न होते. ईद ही कुटुंबासोबत साजरी करण्यासाठी जोया घरी आली. मात्र, दुर्दैवाने ती तिची शेवटची ईद ठरली. दोन भावंड हे टाइल्स बसवण्याचे काम करतात. मात्र कधी वाट्याला काम येत तर कधी नाही, त्यामुळे जोया हीच घरातील मुख्य कमावती असून घरची पूर्ण जबाबदारी तिने स्वीकारली होती.
माझ्या बहिणीची काय चूक होती?
आई उसणार बेगम शेख यांना या घटनेने जबरदस्त धक्का बसला आहे. आमच्या बहिणीची यात काय चूक होती? शासनाने जरी मदत जाहीर केली तरी घरातील जीव कुणीही परत आणून देऊ शकत नाही. प्रशासनाने या रस्ते अपघातवर लक्ष घातले पाहिजे. आज आम्ही पोरके झालो आहोत ही वेळ इतर कुणावरही येऊ नये अशी भावना जोयाचा लहान भाऊ झाकिर शेख यानी व्यक्त केली.
दत्तक घेतलेल्या लेकीला घेऊन प्रवासाला निघाले, बुलढाणा अपघातात लहानग्या ओवीसह आई-आजीचा मृत्यू