आम्ही पहिल्या घरासाठी एचडीएफसी बँकेतून १९ लाखांचे कर्ज घेतले होते. पंतप्रधान आवास योजनेच्या अनुदानासाठीचा आमचा अर्ज जानेवारी २०२१ मध्ये मंजूर झाला होता. मात्र, अद्याप अनुदान मिळालेले नाही. आतापर्यंत पाठपुरावा सुरू आहे.- विनायक रौंदळ, नाशिक

मी डिसेंबर २०२० मध्ये बँक ऑफ इंडियातून कर्ज घेतले होते व पंतप्रधान आवास योजनेचा अर्ज भरून दिला होता. बँकेने ९ मार्च रोजी कागदपत्रे वर पाठवली. मात्र, आतापर्यंत अनुदान मिळू शकले नाही. यासंदर्भात ‘हुडको’कडे विचारणा केली असता, या योजनेसाठी निधी उपलब्ध नसल्याचे उत्तर आले आहे.- किरण सानप, नाशिक
नागपुरात बंटी-बबलीचा कारनामा! एका युवकाच्या नावे GSTत तब्बल कोट्यवधीची हेराफेरी उघड

एचडीएफसी बँकेच्या माध्यमातून डिसेंबर २०२० मध्ये अर्ज करूनही अनुदान मिळू शकले नाही. त्यासाठी निधी नसल्याचे कारण ‘हुडको’कडून दिले गेले. मात्र, माझ्या परिचितांना जून २०२१ मध्ये प्रकरण मंजूर होऊन जानेवारी २०२३ मध्ये अनुदान मिळाले. मार्च २०२१ नंतर निधी नव्हता, तर हे पैसे कसे आले, हे कळेनासे आहे.- प्रा. स्वप्नील बच्छाव, नाशिक