आंध्राची विभागणी करायला भाग पाडलं; नंतर स्वतः मुख्यमंत्री, केसीआर आता मोदींना नडणार?आलिशान गाड्या सोलापुरातील रस्त्यावरून जाताना सोलापूरकर तोंडात बोट घालून पाहत होते. आलिशान गाड्यांच्या नंबर प्लेटकडे काही मोजक्या जणांचे लक्ष गेले. सर्व वाहनांचे एकच नंबर प्लेट पहायला मिळाले. ते म्हणजे TS-०९-६६६६. सुरक्षेच्या कारणास्तव सर्व वाहनांचे नंबर प्लेट एकच असल्याची माहिती ताफ्यातील वाहनचालकांनी दिली. के. चंद्रशेखर राव यांच्या वाहनांचा ताफा सोलापुरातील हॉटेल बालाजी सरोवरमध्ये सोमवारी रात्री मुक्कामास होता. हॉटेल परिसरात आलिशान गाड्यांचा थांबलेला ताफा होता.
या वाहनांकडे बारकाईने लक्ष दिले असता सर्व वाहनांवर एकाच क्रमांकाची नंबर प्लेट पहायला मिळाली. ताफ्यातील वाहन चालकांना याबाबत अधिक माहिती विचारली असता, सुरक्षेच्या कारणास्तव सर्व वाहनांना एकच क्रमांक आहे. मुख्यमंत्री कोणत्या वाहनांत बसलेत हे अधिक लोकांना कळू नये म्हणून अशी व्यवस्था करण्यात आल्याची माहिती वाहनचालकांनी दिली.