पौर्णिमाने एवढे शिक्षण घेऊनही न थांबता एमएससी अॅग्रीकल्चरची पदवी प्राप्त केल्यानंतर पुणे येथील स्पर्धा परीक्षा केंद्राची प्रवेश परीक्षा देत उत्तीर्ण होत प्रवेश मिळवला. त्यानंतर सलग दोन वर्ष रात्रीचा दिवस करत मेहनत घेत अभ्यास केला. सुरुवातीला तिने यूपीएससी परीक्षा दिली, मात्र त्यात यश येत नव्हते. नंतरच्या काळात करोनामुळे घरची वाट धरावी लागली. या काळात तिने एमपीएससी परीक्षा देण्याचा निर्णय घेतला. त्यानुसार पहिल्याच प्रयत्नात ती उत्तीर्ण होत २०२० साली कक्ष अधिकारी म्हणून मंत्रालयात निवडही झाली. पण तिने ते नाकारुन पुढे परीक्षा देणं सुरू ठेवलं. त्यानुसार तिसऱ्या प्रयत्नात पौर्णिमाने यशाला गवसणी घातली आणि तिची थेट महापालिका उपायुक्तपदी निवड झाली. या पदासाठी तिचे यशदा पुणे येथे ट्रेनिंग असणार आहे. विशेष म्हणजे अनुसूचित जमाती मुलींमध्ये राज्यात पहिला येण्याचा मानही मिळवला आहे.