पहाटे बिबट्या झोपडीत शिरला, झोपलेल्या महिलेला ५० मीटर फरफटत नेलं; उजेड पडताच गावकऱ्यांना दिसलं भयंकर दृश्यमिळालेल्या माहितीनुसार, लोकनेते पद्मभूषण डॉ. बाळासाहेब विखे पाटील प्रवरा ग्रामीण शिक्षण संस्थेच्या राहुरी तालुक्यातील कला, वाणिज्य व विज्ञान महाविद्यालयात श्रद्धा भाऊसाहेब गागरे ही आर्टसच्या पहिल्या वर्षात शिकत आहे. ती कानडगाव (ता. राहुरी) येथे राहते. श्रद्धा आणि तिचे मोठे दोन भाऊ कुणाल भाऊसाहेब गागरे पाटील आणि तेजस भाऊसाहेब गागरे पाटील हे लोणीहून फोटो जर्नलिस्ट दत्तात्रय नामदेव विखे पाटील या त्यांच्या मामाच्या घरून वाढदिवसाचा कार्यक्रम आटपून निघाले होते. दुसऱ्या दिवशी परीक्षा असल्याने कानडगावला रात्री मोटरसायकलवरून निघाले होते.
कानडगावला घराच्या अगदी जवळ आल्यावर गिन्नी गवतातून बिबट्याने त्यांच्यावर अचानक हल्ला केला. त्यामुळे ते तिघेही मोटरसायकलवरून खाली पडले. मोटरसायकल मोठा भाऊ तेजस चालवीत होते. तो थोड्या अंतरावर जाऊन पडला. श्रद्धाला बिबट्याने पंजा मारला होता. त्यामुळे तिच्या मांडीला जखम झाली आणि ती खाली पडलेली होती. मात्र, आपला मोठा भाऊ कुणाल बिबट्याच्या अगदी समोर पडलेला तिने पाहिला. अंधारात कोणतेही हत्यार नसताना प्रसंगवधान राखून कुणाल याने बिबट्याच्या अंगावर, डोळ्यावर हातात आलेल्या मातीचा सुरू केला मारा केला.
आपला भाऊ बिबटच्या समोर पडलेला पाहून तिनेही जखमी असताना पळत जाऊन त्याच्यावर मातीचा मारा सुरू केला. तोपर्यंत पुढे अंधारात पडलेला दुसरा भाऊ तेजस पळत आला. त्याने बिबट्यावर ढेकूळ, दगड यांचा मारा केला. त्यांचा आरडाओरडा ऐकून आजूबाजूचे वस्तीवरील लोक पळत आले. तोपर्यंत बिबट्या तिथून पळून गेला होता. वन अधिकाऱ्यांना घटनेची माहिती मिळताच घटनास्थळी भेट दिली. बिबट्यासाठी पिंजऱ्याची व्यवस्था केली. सात्रळ महाविद्यालयाचे प्राचार्य डॉ. प्रभाकर डोंगरे, उपप्राचार्य डॉ. दीपक घोलप, डॉ. जयश्री सिनगर, कार्यालयीन अधीक्षक विलास शिंदे, महेंद्र तांबे व विद्यार्थी -विद्यार्थिनींनी आपली मैत्रीण श्रद्धा हिच्या धाडसी शौर्यगाथेचे कौतुक केले.