अतुलकुमार राय यांच्या ‘चांदपूर की चंदा’ या कादंबरीला हिंदीसाठी; तर इंग्रजीसाठी अनिरुद्ध कनिसेट्टी यांच्या ‘लॉर्ड्स ऑफ द डेक्कन : सदर्न इंडिया फ्रॉम द चालुक्य टू द चोलास’ या पुस्तकाला आणि उर्दूसाठी तौसिफ बरेलवी यांचा ‘झहान झाद’ या कथासंग्रहालाही युवा साहित्य पुरस्कार जाहीर झाले. सूर्यनाथ सिंह यांच्या ‘कोटूक अॅप’ या पुस्तकाला हिंदीतील व सुधा मूर्ती यांच्या ‘ग्रँडपेरेंट्स बॅग ऑफ स्टोरीज’ या पुस्तकाला इंग्रजीचा बालसाहित्य पुरस्कार जाहीर झाला आहे.

मराठी बालसाहित्य श्रेणीसाठी डॉ. कैलास आंबुरे, उमा कुलकर्णी आणि शफाअत खान यांनी परीक्षण केले. युवा पुरस्कारासाठी डॉ. अक्षयकुमार काळे, बाबा भांड आणि प्रा. डॉ. विलास पाटील यांनी परीक्षण केले. बालसाहित्य श्रेणीतील इंग्रजी पुस्तकांसाठी डॉ. जमीला बेगम, राणा नायर आणि प्रा. मंजू जैडका यांनी परीक्षण केले. मराठीतील युवा पुरस्काराची; तसेच मराठीतील बालसाहित्य आणि इंग्रजीतील बालसाहित्य यांनी निवड बहुमताने करण्यात आली आहे.
ज्येष्ठ अभिनेत्री आशा काळे यांना जीवनगौरव २०२३ पुरस्कार जाहीर,पुरस्कार वितरण सोहळा २६ जूनला
हा पुरस्कार लहान मुलांमुळेच मला मिळाला. लहान मुलांनीच मला लिहिते ठेवले. महापालिकेच्या शाळेत शिकून आणि नंतर महापालिकेच्या शाळेत शिकवताना बालवाङ्मयासाठी धागे मिळत गेले. मुलांशी गप्पा मारताना त्यातून कथा, कविता, नाट्यछटा घडतात. या कथा, कवितांना राज्यभरातून मिळणाऱ्या प्रतिक्रियांमुळे प्रोत्साहन मिळते.- एकनाथ आव्हाड

आमच्या कुटुंबात कविता लिहिणारे कुणीच नव्हते. मी अचानकपणे कधीतरी कविता लिहायला सुरुवात केली. मी लिहिते हे स्वीकारायला जसा वेळ गेला तसाच आता साहित्य अकादमीसारखा पुरस्कार मिळाल्याचे वास्तव स्वीकारायलाही वेळ जाईल. या काव्यसंग्रहातील कविता म्हणजे स्वतःशी असलेले भांडण आणि स्वतःवरचे प्रेम यामधील दोलायमान स्थिती आणि ‘हट्टी, दुराग्रही स्वतः’ ते ‘समजंस स्वतः’ यामधील हा प्रवास आहे.- विशाखा विश्वनाथ