पुणे: MPSC परीक्षेत अव्वल कामगिरी करणाऱ्या दर्शना पवार हिचा मृतदेह काही दिवसांपूर्वी राजगडाच्या पायथ्याशी आढळून आला होता. यानंतर सुरु असलेल्या तपास मोहिमेत गुरुवारी पुणे ग्रामीण पोलिसांना मोठे यश मिळाले. दर्शना पवार हिचा संशयित मारेकरी असलेल्या राहुल हंडोरे याच्या मुसक्या आवळण्यात पोलिसांना यश आले. पुणे ग्रामीण पोलिसांनी राहुल हंडोरे याला मुंबईत अटक केली. पोलिसांच्यादृष्टीने हे मोठे यश मानले जात आहे. त्यामुळे दर्शना पवार हत्याप्रकरणातील उर्वरित गोष्टींचा आता उलगडा होऊ शकेल. राहुल हंडोरे याला अटक केल्यानंतर पुणे ग्रामीण पोलिसांच्या तपासाबाबत एक महत्त्वाची माहिती समोर आली आहे. पोलिसांनी राहुल हंडोरे याचे लोकेशन शोधण्यासाठी एक युक्ती वापरली होती. त्या युक्तीचा फायदा राहुल हंडोरेला शोधताना झाला.
राजगड किल्ल्याच्या पायथ्याशी चार दिवसांपूर्वी दर्शनाचा मृतदेह कुजलेल्या अवस्थेत सापडला होता. त्यानंतर पोलिसांनी दर्शना पवार हिची ओळख पटवून तपासाला सुरुवात केली होती. तेव्हा दर्शनासोबत राजगडावर गेलेला तिचा मित्र राहुल हंडोरे गायब असल्याचे लक्षात आले होते. तेव्हापासून पोलीस राहुल हंडोरेचा शोध घेत होते. पुणे पोलिसांची पाच पथकं राहुल हंडोरेचा शोध घेत होती. राहुल हंडोरे हा अनेक राज्यांमध्ये फिरत होता. मध्य प्रदेश, पश्चिम बंगाल, हरियाणा असा त्याचा प्रवास सुरु होता. मात्र, पुणे पोलिसांची पथकं त्याचा पाठलाग करत होती.
राजगड किल्ल्याच्या पायथ्याशी चार दिवसांपूर्वी दर्शनाचा मृतदेह कुजलेल्या अवस्थेत सापडला होता. त्यानंतर पोलिसांनी दर्शना पवार हिची ओळख पटवून तपासाला सुरुवात केली होती. तेव्हा दर्शनासोबत राजगडावर गेलेला तिचा मित्र राहुल हंडोरे गायब असल्याचे लक्षात आले होते. तेव्हापासून पोलीस राहुल हंडोरेचा शोध घेत होते. पुणे पोलिसांची पाच पथकं राहुल हंडोरेचा शोध घेत होती. राहुल हंडोरे हा अनेक राज्यांमध्ये फिरत होता. मध्य प्रदेश, पश्चिम बंगाल, हरियाणा असा त्याचा प्रवास सुरु होता. मात्र, पुणे पोलिसांची पथकं त्याचा पाठलाग करत होती.
पुणे ग्रामीण पोलिसांनी आपल्या तपासाची फारशी माहिती बाहेर फुटून दिली नाही. पोलीस तपास मोहीमेबद्दल गुप्तता बाळगून होते. राहुल हंडोरे याला शोधण्यासाठी त्याच्या नातेवाईकांचीही मदत घेतली जात होती. पोलिसांनी राहुल हंडोर याचे लोकेशन शोधून काढण्यासाठी एक युक्ती वापरली होती. पोलीस राहुल हंडोरे याला त्याच्या नातेवाईकांच्या मोबाईल फोनवरुन पैसे पाठवत होते. जेणेकरुन राहुल हंडोरे याचे लोकेशन ट्रेस होऊ शकेल. त्यावरुन राहुल हंडोरे हा वेगवेगळ्या राज्यांमध्ये फिरत असल्याचे पोलिसांना समजले आणि ते राहुलचा पाठलाग करत राहिले.अखेर राहुल हंडोरे याला मुंबईवरुन पुण्याकडे जात असताना पोलिसांनी अटक केली.
MPSC टॉपर दर्शना पवार हत्या प्रकरण, मित्र राहुल हंडोरेला मुंबईत अटक, खुनाचे धक्कादायक कारण समोर
पोलिसांनी अटक केल्यानंतर राहुल हंडोरे याने दर्शना पवारची हत्या केल्याची कबुली दिली आहे. यासंदर्भात पोलीस लवकरच पत्रकार परिषद घेऊन माहिती देणार आहेत. राहुल हंडोरे आणि दर्शन पवार हे दोघेही पुण्यात एमपीएससीचे शिक्षण घेत असताना भेटले होते. हे दोघे एकमेकांचे नातेवाईकही होते, ते आधीपासूनच एकमेकांना ओळखायचे, ही बाब तपासादरम्यान समोर आली आहे. आता राहुल हंडोरेच्या चौकशीतून या हत्याप्रकरणाचा संपूर्ण घटनाक्रम आणि इतर तपशील लवकरच समोर येण्याची शक्यता आहे.