Monsoon Impact : मान्सूनचा पाऊस लांबला, भाजीपाल्याचे दर भडकले, बाजारात नेमकं काय घडलं?

सध्या पिण्याच्या पाण्याची कमतरता भासू लागली आहे. जून महिना सरत चालला तरी पावसाच्या धारा येईनात. त्यामुळे भाजीपाला हा कमी प्रमाणात मार्केटमध्ये येऊ लागला आहे. पाऊस जर वेळेत झाला तर भाजीपाल्यांचे भाव कमी होतील. नाहीतर हे दर असेच चढे राहतील असे व्यापारी संदेश ढवळे यांनी सांगितले. किरकोळ बाजारामध्ये पंधरा ते वीस रुपये किलो मिळणारा टोमॅटो सध्या ६० रुपये किलो वर पोहोचला आहे.

आधी मेथीची जोडी वीस रुपयांना मिळायची. मात्र सध्या २५ ते ३० रुपये किंमत झाली आहे २० रुपयांना मिळणारी कोथिंबीर पन्नास रुपयांवर येऊन पोहोचली आहे. पूर्वी दर कमी असल्यामुळे जास्त भाजीपाला खरेदी केला जायचा. मात्र सध्या कमी प्रमाणात भाजीपाला खरेदी केला जात आहे. ग्राहकांचा प्रतिसाद आहे. मात्र दोन किलो घेणारी वस्तू एक किलोच घेतली जात आहे. भाजीपाल्याला खप होत आहे, दर वाढले असले तरी मार्केटमध्ये भाजी पडून राहत नाही, असे मत व्यापाऱ्यांनी व्यक्त केले.