मात्र, उपचारादरम्यान रविवारी सकाळी ८ वाजताच्या सुमारास युवराज बेहरे यांचे निधन झाले. त्यांच्या पत्नी सुद्धा या अपघातात गंभीर जखमी झाल्याने त्यांच्यावर उपचार सुरू आहेत. त्यांची मुले दुसऱ्या कारमध्ये असल्याने ते सुखरुप आहेत. युवराज बेहरे हे २० वर्षांपासून शहरात पेंटरचे काम करित असल्याने ते बेहरे पेंटर या नावाने परिचित होते. रांगोळी कलेमध्ये त्यांचा नावलौकीक होता. त्यांच्या अपघाती निधनाने गडचिरोली शहरात सर्वत्र शोककळा पसरली आहे.
Pune Crime: राजगडच्या पायथ्याशी सडलेल्या अवस्थेत MPSCच्या तरुणीचा मृतदेह; पुणे हादरलं
रांगोळी ही भारताची प्राचीन सांस्कृतिक परंपरा आणि लोककला आहे. सुरेख रेखीव आकारातून साकारलेल्या कलाकृतीने घराचे अंगण सुशोभित करून आलेल्या पाहुण्यांचे व सण-उत्सवाचे स्वागत करणे म्हणजे रांगोळी. रांगोळी कला मुली किंवा महिलांनाच अवगत आहे असे नाही, तर पुरुषही यात आघाडीवर आहेत. त्यातीलच एक रांगोळी चित्रकार म्हणून पुढे आलेले युवराज बेहरे आहेत. डोळ्यांचे पारणे फेडणाऱ्या रांगोळीच्या माध्यमातून अती सुंदर अशी चित्र रूपी रांगोळीमुळे ते जिल्ह्यात प्रसिद्ध होते. अतिशय कलात्मक पद्धतीने व सुंदर रेखीव अशी रांगोळी ते काढायचे. गडचिरोली जिल्ह्यात पेंटर युवराज बेहरे म्हणून त्यांची ओळख होती.