पुणे (इंदापूर) :नादुरुस्त असलेल्या आयशर टेम्पोला स्कॉर्पिओ धडकून झालेल्या अपघातात एकाचा मृत्यू झाला तर ९ जण जखमी झाल्याची घटना घडली. पुणे सोलापूर महामार्गावर भिगवण गावच्या हद्दीत सदरची घटना आज गुरुवारी सकाळी साडेसहाच्या सुमारास घडली.
जालिंदर बाळासाहेब विरकर (वय ३६, रा. चिखली ता. हवेली) असं अपघातात मृत्यूमुखी पडलेल्या व्यक्तीचं नाव आहे. वैशाली राजू फडके, मच्छिंद्र बाळासाहेब विरकर, लक्ष्मीबाई बाळासाहेब विरकर, प्रीतम जालिंदर विरकर, स्वरा जालिंदर विरकर, मंगल राहुल मेदनकर, विशाल विलास मोरे, संगीता विलास मोरे तसेच राजू गोविंद फडके हे ९ जण किरकोळ तसेच गंभीर जखमी झाले आहेत.
जालिंदर बाळासाहेब विरकर (वय ३६, रा. चिखली ता. हवेली) असं अपघातात मृत्यूमुखी पडलेल्या व्यक्तीचं नाव आहे. वैशाली राजू फडके, मच्छिंद्र बाळासाहेब विरकर, लक्ष्मीबाई बाळासाहेब विरकर, प्रीतम जालिंदर विरकर, स्वरा जालिंदर विरकर, मंगल राहुल मेदनकर, विशाल विलास मोरे, संगीता विलास मोरे तसेच राजू गोविंद फडके हे ९ जण किरकोळ तसेच गंभीर जखमी झाले आहेत.
भिगवण पोलिसांनी दिलेल्या माहितीनुसार, वीरकर आणि मोरे कुटुंबीय आपल्या ताब्यातील स्कॉर्पिओ क्रमांक एम.एच.१४ जी.ए ५५१४ गाडीतून पुणे बाजूकडून सोलापूरकडे जात होते. भिगवण गावच्या हद्दीत ज्योती हॉटेल येथून समोरील गाडीला ओव्हरटेक करत असताना मुख्य मार्गाच्या शेजारी कडेला थांबलेल्या आयशर गाडी क्रमांक एम.एच.४३ यु ६८१७ गाडीला पाठीमागून धडकून अपघात झाला.
याबाबत फिर्यादी राजू फडके यांनी खबर दिली असून भिगवण पोलिसांनी आयशरच्या चालकाविरोधात गुन्हा दाखल केला आहे. त्याच्या ताब्यातील वाहन धोकादायकपणे रस्त्याच्या कडेला उभे करून रिफ्लेक्टर अथवा धोक्याची कोणतीही सूचना न लावल्याबद्दल तसेच अपघातास कारणीभूत ठरून एकाचा जीव आणि ९ इसमाला जखमी करण्यास कारण ठरल्याचा गुन्हा नोंद करण्यात आला आहे. पुढील तपास पोलीस हवालदार लोढी करत आहेत.
भारतीय संघासाठी Asia Cup पूर्वी गुड न्यूज, मॅचविनरची होणार एंट्री आणि रोहितची चिंता मिटली