ऋषि बर्डे असं गंभीर जखमी झालेल्या तरुणाचे नाव असून त्याचा भाऊ आदित्य राजेंद्र बर्डे याने भारती विद्यापीठ पोलीस ठाण्यात फिर्याद दिली आहे. या घटनेचा सर्व प्रकार सीसीटिव्हीमध्ये कैद झाला आहे. फिर्यादीवरून पोलिसांनी या प्रकरणी सिध्देश चोरघे, ओम सावंत, आदित्य गोसावी, राज परदेशी आणि सोन्या खुळे यांच्या विरोधात गुन्हा दाखल केला आहे.
भारताचा इंग्लंडचा दौरा जाहीर, पाच कसोटी सामने नेमके कुठे खेळवण्यात येणार जाणून घ्या…याबाबत पोलिसांनी दिलेली माहिती अशी की, ऋषी आणि त्याचा भाऊ आदित्य हे त्यांच्या मित्रांसोबत भारती विद्यापीठ परिसरात एका चहाच्या दुकानात चहा पीत बसले होते. त्यावेळी आदित्य याने सिद्धेश चोरघे याची मस्करी केली. मात्र, या मस्करीचे रूपांतर वादात झालं. हा वाद एवढा विकोपाला गेला की सिद्धेश याने त्याच्या इतर साथीदारांना सोबत घेऊन आदित्य आणि त्याचा भाऊ ऋषी याला मारहाण करत कोयत्याने सपासप वार केले.
या हल्यात ऋषी हा जखमी झाला आहे. त्याच्यावर रुग्णालयात उपचार सुरू आहेत. या घटनेत ऋषीचा भाऊ आदित्य याने भारती विद्यापीठ पोलीस स्टेशनमध्ये धाव घेत फिर्याद दिली. त्यानुसार पोलिसांनी पाच जणांविरोधात गुन्हा दाखल करण्यात आला आहे. या प्रकरणाचा अधिक तपास भारती विद्यापीठ पोलीस करत आहेत.
BCCI अध्यक्षांनी का केला माझा गेम, अंबाती रायुडूने धक्कादायक आरोप करत कारण सांगितलं