पोलिसांनी दिलेल्या माहितीनुसार, सरफराज हा श्रमिक आहे. आधी शेख कुटुंब एकत्र राहायचे. सहा महिन्यांपूर्वी सरफराजचा हिना यांच्यासोबत वाद झाला. त्यामुळे सरफराज हा हसनबाग येथे राहायला गेला. वहिनीमुळे घर सोडावे लागल्याने सरफराज हा संतापला होता. शुक्रवारी सायंकाळी सरफराज हा हिना यांच्या घरी आला. त्यांच्याशी वाद घातला. वाद विकोपाला गेल्याने सरफराजने दुपट्ट्याने हिना यांचा गळा आवळून त्यांना ठार मारण्याचा प्रयत्न केला. हिना यांनी कशीबशी सुटका केली. त्या पळायला लागल्या त्यानंतर सरफराजने हिना यांच्यावर कटरने दोन वार केले. हिना यांनी मदतीसाठी आरडाओरड सुरू केली. शेजारी जमायला लागले. त्यामुळे सरफराज पसार झाला. शेजाऱ्यांनी हिना यांना मेयो हॉस्पिटलमध्ये दाखल केले. हिना यांच्या तक्रारीवरून पोलिसांनी गुन्हा दाखल केला. शोध घेऊन सरफराज याला अटक केली.
लॉकअपमधील संशयिताचा स्वतःला संपविण्याचा प्रयत्न; फरशी तोडून मनगटाची नस कापली, काय कारण?