सातारा : जावळी तालुक्याचे नेते व राष्ट्रवादीचे विधान परिषदेचे आमदार शशिकांत शिंदे यांचे बंधू ऋषिकांत शिंदे यांनी आज मुंबईत मुख्यमंत्र्यांच्या वर्षा बंगल्यावर शिवसेनेत प्रवेश केला. या प्रवेशामुळे सातारा जिल्ह्याच्या राजकीय वर्तुळात चर्चांना उधाण आलं आहे. त्यामुळे आमदार शशिकांत शिंदे यांना हा मोठा धक्का मानला जात आहे.
शनिवारी झालेल्या राष्ट्रवादीच्या मेळाव्यात भाजप आणि शिवसेना (शिंदे गट) हे आपले विरोधक आहेत, असं आमदार शशिकांत शिंदे यांनी स्पष्ट केलं होतं. पण आता त्यांचे बंधूच विरोधकांना मिळाल्याने त्यांची मोठी अडचण झाली आहे. ऋषिकांत शिंदे यांच्या या प्रवेशामुळे राष्ट्रवादीचे आमदार शशिकांत शिंदे यांना मोठा धक्का बसला असल्याची राजकीय चर्चा सुरू झाली आहे. आता शशिकांत शिंदे काय भूमिका घेतात? याकडे सर्व जिल्ह्याचे लक्ष वेधले आहे.
शनिवारी झालेल्या राष्ट्रवादीच्या मेळाव्यात भाजप आणि शिवसेना (शिंदे गट) हे आपले विरोधक आहेत, असं आमदार शशिकांत शिंदे यांनी स्पष्ट केलं होतं. पण आता त्यांचे बंधूच विरोधकांना मिळाल्याने त्यांची मोठी अडचण झाली आहे. ऋषिकांत शिंदे यांच्या या प्रवेशामुळे राष्ट्रवादीचे आमदार शशिकांत शिंदे यांना मोठा धक्का बसला असल्याची राजकीय चर्चा सुरू झाली आहे. आता शशिकांत शिंदे काय भूमिका घेतात? याकडे सर्व जिल्ह्याचे लक्ष वेधले आहे.
दोन टर्म जावळी तालुक्याचे आमदार राहिलेले शशिकांत शिंदे यांचे मोठे वर्चस्व आहे. विधानसभा मतदारसंघातील फेररचना झाल्यानंतर सातारा-जावळी हा मतदार संघ नव्याने निर्मिती करण्यात आला. त्यानंतर शिवेंद्रसिंहराजे भोसले हे राष्ट्रवादीचे आमदार राहिले. २०१९ ला शिवेंद्रराजेंनी भाजप प्रवेश करून आमदार झाले. त्यानंतरच्या काळात भाजपचे आमदार शिवेंद्रसिंहराजे यांनी जावळीत आपले वर्चस्व निर्माण केले आहे.
मध्यंतरी जावळीतील स्वर्गीय आमदार जी. जी. कदम यांचे पुत्र अमित कदम यांनी भाजपला सोडचिट्ठी देत अजितदादा पवार यांच्या उपस्थितीत राष्ट्रवादीत प्रवेश केला. त्यामुळे जावळी तालुक्यात राष्ट्रवादीची ताकद वाढल्याचे बोलले जात होते. पण आता राष्ट्रवादी काँग्रेस पार्टीचे अध्यक्ष, ज्येष्ठ नेते शरद पवार यांचे विश्वासू नेते राहिलेले आमदार शशिकांत शिंदे यांचेच बंधू पक्ष सोडून गेल्यामुळे पक्ष वाढवण्याची नामुष्की त्यांच्यावर आल्याचे दिसून येत आहे.
माजी मंत्री विजय शिवतारे यांच्या नातेवाईकाने उचलले टोकाचे पाऊल, कारण समजताच लोक हळहळले
मागील जिल्हा परिषदेच्या कुडाळ गटातून उभे राहिलेले ऋषिकांत शिंदे यांचा दीपक पवार यांनी पराभव केला होता. ऋषिकांत शिंदे यांनी एकनाथ शिंदे यांच्या शिवसेनेत प्रवेश केल्यामुळे जावळीत एकनाथ शिंदे यांची ताकद वाढणार का, हेही प्रामुख्याने पहावे लागणार आहे. यामुळे आगामी पंचायत समिती, जिल्हा परिषद व विधानसभा निवडणुकीत भाजपचे आमदार शिवेंद्रसिंहराजे भोसले यांना ताकद मिळण्याची शक्यता मानली जात आहे, पण ही शक्यता निवडणूक काळातच सिद्ध होईल, अशी राजकीय चर्चा रंगू लागली आहे. ऋषिकांत शिंदे यांच्या प्रवेशाने राष्ट्रवादीला हा मोठा धक्का मानला जात आहे. तरीही त्यांना जावळी तालुक्यात आपलं वर्चस्व पणाला लावावे लागणार आहे.
Kolhapur Airport: कोल्हापूर विमानतळाचे नाव ठरले, केंद्रीय मंत्री ज्योतिरादित्य शिंदे यांनी केली मोठी घोषणा
ऋषिकांत शिंदे यांच्या मागे जावळी तालुक्यातील माथाडी कामगारांची मोठी ताकद आहे. त्यामुळे शिवसेनेला (शिंदे गट) याचा मुंबई व सातारा जिल्ह्यात फायदा होणार आहे. आगामी काळात भाजप व शिवसेना (शिंदे गट) निवडणूक एकत्र लढणार असल्याने हे बेरजेचे राजकारण जिल्ह्यात सुरू असल्याची चर्चाही आहे.