चंद्रपूर : ग्रामीण भागातील आरोग्य व्यवस्थेची पोलखोल करणारी घटना चंद्रपूरातून समोर आली आहे. एका रुग्णवाहिकेत डिझेल भरायला आरोग्य विभागाकडे पैसेच नसल्याचे उघडकीस आले आहे. पैशाची जमवाजमव करायला त्यांना तब्बल एक तास लागला. एक तास रुग्णवाहिका पेट्रोल पंपावर तशीच उभी होती. या रुग्णवाहिकेत गर्भवती महिला प्रसूतीकळाच्या वेदनेने विव्हळत होती. मन सुन्न करणारी ही घटना गोंडपिपरी तालुक्यात घडली आहे. वैद्यकीय अधिकारी, तालुका वैद्यकीय अधिकाऱ्यांच्या खिशात हजार रुपये नव्हते का ? आरोग्य व्यवस्थेवर हजारो कोटींच्या बजेटचे अर्थसंकल्पात घोषणा केल्या जातात. या घोषणाची अमलबजावणी खरंच प्रत्यक्षात केली जाते का ? गोंडपिपरीत घडलेल्या या घटनेने आरोग्य विभागाचा कार्यपद्धतीवर आता असे प्रश्न उपस्थित केले जात आहेत.
माहितीनुसार, गोंडपिपरी तालुक्यातील धाबा येथील मोनिका रामदास तांगडपलेवार या गर्भवती महिलेला त्रास जाणवायला लागला. तिला धाबा प्राथमिक आरोग्य केंद्रात उपचारासाठी नेण्यात आले. तिची प्रकृती गंभीरच होती. यासाठी पुढील उपचारांसाठी मोनिका रामदास तांगडपलेवार हिला चंद्रपूर येथे रेफर करण्यात आले. तिला घेऊन धाबा आरोग्य केंद्रातून रुग्णवाहिका निघाली. गोंडपिपरी येथील पेट्रोल पंपावर त्यांचा नियमित व्यवहार सुरू असतो. मात्र डिझेलचे पैसे वेळेवर न मिळाल्याने उदारीवर डिझेल टाकण्यासाठी पंपचालकाने नकार दिला.
माहितीनुसार, गोंडपिपरी तालुक्यातील धाबा येथील मोनिका रामदास तांगडपलेवार या गर्भवती महिलेला त्रास जाणवायला लागला. तिला धाबा प्राथमिक आरोग्य केंद्रात उपचारासाठी नेण्यात आले. तिची प्रकृती गंभीरच होती. यासाठी पुढील उपचारांसाठी मोनिका रामदास तांगडपलेवार हिला चंद्रपूर येथे रेफर करण्यात आले. तिला घेऊन धाबा आरोग्य केंद्रातून रुग्णवाहिका निघाली. गोंडपिपरी येथील पेट्रोल पंपावर त्यांचा नियमित व्यवहार सुरू असतो. मात्र डिझेलचे पैसे वेळेवर न मिळाल्याने उदारीवर डिझेल टाकण्यासाठी पंपचालकाने नकार दिला.
रुग्णवाहिकेत डिझेल नसल्याने पैशाची जुळवाजुळव करण्यासाठी कर्मचाऱ्यांना तब्बल एक तास लागला. यादरम्यान गर्भवती महिलेसह रुग्णवाहिका पेट्रोल पंपावर अडकून राहिली होती. त्यानंतर तालुका वैधकीय अधिकारी डॉ. दिनेश चकोले यांनी पैशाची व्यवस्था केल्यानंतर रुग्णवाहिका चंद्रपूरसाठी रवाना झाली. जननी सुरक्षा योजना, जननी शिशु सुरक्षा योजना अशा अनेक योजनेच्या माध्यमातून निधी उपलब्ध असतांना रुग्णवाहिकेला डिझेल अभावी गर्भवती महिलेचा जीव आरोग्य विभागाने धोक्यात टाकला. अधिकाऱ्यांना याबाबतीत विचारले असता त्यांनी सांगितलेले कारण हे धक्कादायक होते.
महाराष्ट्रात २० कोटी वर्षांपूर्वीचा खजिना आढळला! फोटो पाहून कुणाचाही विश्वास बसणार नाही
ते म्हणाले की, आर्थिक व्यवहारासंबंधी कनिष्ठ लिपिक पद रिक्त असल्याने तसेच पंचायत समिती स्तरावर बिल रखडले असल्याने हा प्रकार घडला. मात्र गर्भवतीची प्रकृती बघता आरोग्य विभागाच्या अधिकाऱ्यांनी त्यांच्या जवळचे हजार रुपये दिले असते तर तिला वेदना सोसाव्या लागल्या नसत्या. दरम्यान एक तासानंतर पैशाची जुळवाजुळ झाली. मोनिकाला जिल्हा रुग्णालयात नेण्यात आले. काही वेळांनी मोनिकाने गोंडस बाळाला जन्म दिला. दरम्यान आई आणि मुलगा दोघांचीही प्रकृती उत्तम असल्याचे नातेवाईकांनी सांगितले आहे.