धाराशिव : जिल्ह्यातील भूम तालुक्यातील एका गावात धक्कादायक प्रकार उघडकीस आला आहे. २४ वर्षीय मुलानं त्याच्याच गावातील १६ वर्षीय मुलीला लग्नाचं आमिष दाखवत अत्याचार केला होता. संबंधित १६ वर्षीय मुलीच्या पोटात अचानक दुखु लागले म्हणून आई, वडिलांनी काळजी पोटी बार्शी येथील खासगी दवाखान्यात दाखलं केलं. तिथं मुलीची सोनोग्राफी केली असता धक्कादायक गोष्ट समोर आली. संबंधित मुलगी ५ महिन्यांची गर्भवती असल्याचा सोनोग्राफी तपासणी अहवाल समोर आल्यानंतर आई,वडिलांना धक्का बसला. ही घटना भूम तालुक्यात घडली आहे. पीडित मुलीच्या तक्रारीनंतर पोलिसांनी काल रात्री उशिरा अटक केली आहे.
भूम तालुक्यातील इयत्ता १० मध्ये शिक्षण घेणाऱ्या १६ वर्षीय मुलीला तिच्याच गावातील २४ वर्षीय मुलाने लग्नाचे आमिष दाखवलं. यानंतर त्यानं पीडित मुलीच्या घराजवळील मोकळया जागेत,घरा शेजारील आडोशाला पीडित मुलीवर लैंगिक अत्याचार केला.हा अत्याचार ७ जानेवारी २०२३ पासून सुरु होता, अशी माहिती समोर आली आहे.
भूम तालुक्यातील इयत्ता १० मध्ये शिक्षण घेणाऱ्या १६ वर्षीय मुलीला तिच्याच गावातील २४ वर्षीय मुलाने लग्नाचे आमिष दाखवलं. यानंतर त्यानं पीडित मुलीच्या घराजवळील मोकळया जागेत,घरा शेजारील आडोशाला पीडित मुलीवर लैंगिक अत्याचार केला.हा अत्याचार ७ जानेवारी २०२३ पासून सुरु होता, अशी माहिती समोर आली आहे.
दोन दिवसांपूर्वी पीडित मुलीच्या पोटात प्रचंड दुखत असल्यामुळे आई, वडिलांनी उपचारासाठी बार्शी येथील खासगी दवाखाना गाठला. पीडित मुलीची सोनोग्राफी केली असता. सोनोग्राफी तपासणी अहवालात मुलगी ५ महिन्याची गर्भवती आढळून आली. आई,वडिलांनी पीडित मुलीला विश्वासात घेत विचारले असता गावातील २४ वर्षीय मुलाने लग्नाचे अमिष दाखवून वारंवार अत्याचार केल्याचे तिनं सांगितले.
बार्शी येथील पोलीस स्टेशनला यानंतर गुन्हा दाखल झाला. त्यानंतर नियमानुसार तो गुन्हा भुम पोलीस स्टेशनला वर्ग करण्यात आला आहे. पीडित मुलीच्या फिर्यादीवरुन २४ वर्षीय मुला विरुध्द भारतीय दंड संहिता कलम.३७६,४,८,पोस्को प्रमाणे गुन्हा दाखल झाला आहे. आरोपीला काल रात्री अटक केली आहे.
SSC Result 2023: महाराष्ट्र बोर्डाकडून दहावीचा निकाल वेबसाइटवर ऑनलाइन जाहीर, ‘ही’ घ्या थेट लिंक
पोलीस अधीक्षक अतुल कुलकर्णी, उपविभागीय पोलीस अधिकारी दिनकर डंबाळे यांच्या मार्गदर्शनाखाली पिंक पथक प्रमुख पोलीस उपनिरीक्षक के.डी. जगताप हे तपास करत आहेत. पोलिसांनी आरोपीला अटक केली असून पुढे या प्रकरणी काय कारवाई केली जाते याकडे लक्ष लागलं आहे.
Pune News: गड आला पण सिंह गेला! माऊंट एव्हरेस्टची मोहीम फत्ते केल्यानंतर पुण्यातील पोलीस नाईक ब्रेन डेड