रेल्वे पोलिसांच्या ‘ऑपरेशन आहत’अंतर्गत ही कारवाई करण्यात आली. भुसावळमध्ये सामाजिक संस्थेच्या मदतीने दानापूर-पुणे एक्स्प्रेसने (०१०४०) एक्स्प्रेसची कसून तपासणी करण्यात आली. वेगवेगळ्या डब्यांमधून ८ ते १५ वयोगटांतील २९ मुलांना ताब्यात घेण्यात आले. संशयिताला ताब्यात घेऊन चौकशी सुरू झाली. यादरम्यान, आणखी मुले असल्याची माहिती उघड होताच नाशिक रोड आणि मनमाड पोलिसांना ‘अॅलर्ट’ देण्यात आला. मनमाडमध्ये एक्स्प्रेस पोहोचताच मुलांची सुटका करून त्यांना नाशिक रोड रेल्वे पोलिसांकडे सोपवण्यात आले.