पुणे : पुणे ग्रामीण पोलीस दलातील सहाय्यक पोलीस निरीक्षक भालचंद्र शिंदे यांचं हृदयविकाराच्या तीव्र झटक्याने निधन झालं आहे. १५ दिवसांपासून त्यांनी मुलाच्या लग्नासाठी सुट्टी घेतली होती. मुलाच्या लग्नाची पत्रिका वाटपाचे काम सुरू होते. मात्र त्या दरम्यान भालचंद्र शिंदे यांना त्रास होऊ लागला. त्यानंतर शिंदे यांना रुग्णालयात दाखल करण्यात आलं. मागील महिनाभरापासून त्यांच्यावर उपचार सुरू होती. मात्र शुक्रवारी उपचारादरम्यान त्यांना हृदयविकराचा धक्का आला आणि त्यातच त्यांचा मृत्यू झाला. या घटनेने ग्रामीण पोलीस दलात शोककळा पसरली असून अचानक घडलेल्या घटनेने सर्वांनाच धक्का बसला आहे.याबाबत अधिक माहिती अशी की, भालचंद्र शिंदे हे गेल्या काही वर्षांपासून पुणे जिल्ह्यातील पौड पोलीस स्टेशनमध्ये सहायक पोलस निरीक्षक या पदावर कार्यरत होते. त्यांच्या मुलाचे १६ मे रोजी लग्न होते. लग्न जवळ आल्याने मागील महिन्यात त्यांनी लग्नासाठी जवळपास १५ दिवसांची रजा घेतली होती. रजा घेऊन ते मुलाची लग्नपत्रिका नातेवाईकांपर्यंत पोहोचवण्याचे काम करत होते. पत्रिका वाटपादरम्यान शिंदे यांना त्रास होऊ लागला. त्यामुळे त्यांना रुग्णालयात दाखल करण्यात आले होते.
मुरूडचा जंजिरा किल्ला पाहायला जाताय?; मग ही बातमी वाचाच, प्रशासनाने घेतला हा निर्णयरुग्णालयात उपचार सुरू असताना भालचंद्र शिंदे यांना हृदयविकाराचा झटका आला आणि त्यातच त्यांची प्राणज्योत मालवली आहे. शिंदे यांच्या जाण्याने त्यांच्या कुटुंबावर दुःखाचा डोंगर कोसळला असून मित्र परिवारही दुःखात बुडाला आहे. शिंदे यांचा लोकांशी चांगला संपर्क होता. सर्वांशी मिळून मिसळून वागणे हा त्यांचा स्वभाव होता. सर्वांशी गोड बोलून, सर्वांवर प्रेम करणाऱ्या सहकाऱ्याला भावपूर्ण श्रद्धांजली, अशा भावना शिंदे यांच्यासोबत काम करणाऱ्या पोलीस कर्मचाऱ्यांनी व्यक्त केल्या.
