रायगड, दिघी : कोकणात रायगड जिल्ह्यातील श्रीवर्धन तालुक्यात कुडकी धरणात बुडून १९ वर्षीय तरुणाचा झालेला मृत्यू हा अपघात नसून घातपातच असल्याचे आता स्पष्ट झाले आहे. याप्रमाणे दोन जणांवर कलम ३०४ अन्वये गुन्हा दाखल करण्यात आला आहे.श्रीवर्धन तालुक्यातील दिघी सागरी पोलीस ठाणे हद्दीतील कुडकी धरणात बुडून वडवली येथील १९ वर्षीय प्रणय नाक्ती याचा मृत्यू झाल्याची घटना घडली होती. पोहता येत असलेला प्रणय पाण्यात बुडून मृत पावल्याने अनेक तर्कवितर्क काढण्यात येत होते. हा अपघात नसून घातपात असल्याचीही चर्चा परिसरात होत होती. त्यामुळेच पोलिसांनी या घटनेकडे विशेष लक्ष केंद्रित केले होते.
त्याप्रमाणे तपास केला असता अत्यंत धक्कादायक गोष्टी समोर आल्या आहेत. मेघन परशुराम नाक्ती, साहिल गणेश बिराडी, रोहन दुर्वास पाटील आणि सनित सुरेश बिराडी हे ४ जण प्रणय नाक्ती याला घेऊन कुडकी धरणाजवळ दारू-पार्टी करण्यास गेले होते.
त्याप्रमाणे तपास केला असता अत्यंत धक्कादायक गोष्टी समोर आल्या आहेत. मेघन परशुराम नाक्ती, साहिल गणेश बिराडी, रोहन दुर्वास पाटील आणि सनित सुरेश बिराडी हे ४ जण प्रणय नाक्ती याला घेऊन कुडकी धरणाजवळ दारू-पार्टी करण्यास गेले होते.
आई-वडिलांना हरिद्वार यात्रेसाठी रेल्वेत बसवलं, चालत्या ट्रेनमधून उतरताना पडून लेकाचा मृत्यू
याप्रकरणी संशयित आरोपी मेघन नाक्ती, साहील बिराडी या दोघांवरती खुनाचा प्रयत्न केल्याचा गुन्हा दाखल करण्यात आला असून न्यायालयाने त्यांची रवानगी पोलीस कोठडीत केली आहे. प्रणय नाक्ती याच्या धरणातील बुडून झालेल्या मृत्यूप्रकरणी त्याच्या घरच्यांनी पोलिसांकडे संशय व्यक्त केला होता. यावरून या सगळ्या मित्रांची कसून चौकशी केल्यावर हा सगळा धक्कादायक प्रकार समोर आला.
त्यावेळी प्रणय नाक्ती हा दारूच्या नशेत आहे याची जाणीव असतानाही मेघन नाक्तीने त्याच्या खांद्यावर हात ठेऊन दाब देत उडी मारली. या कृतीमुळे प्रणयचा पाण्यात बुडून जीव जाईल याची जाणीव असतानाही मेघनने अक्षरशः प्रणयच्या जीवाशी खेळ केला. ही प्राणघातक कृती प्रणयच्या जीवावर बेतली. तो पाण्यात गटांगळ्या खाऊ लागला. अखेर पाण्यात बुडून, गुदमरून अत्यंत वेदनामय अंत प्रणयच्या नशिबी आला.
नुसता वयाने वाढत गेलो, आता ओझं होऊ शकत नाही; आईला पत्र, तरण्याबांड लेकाने आयुष्य संपवलं
प्रणय पाण्यात बुडाल्याचे पाहून साहिल बिराडीने प्रणयचा मोबाईल पाण्यात फेकून दिला. ज्यामुळे तो कुठे आहे याचा शोध घेणे कठीण जाईल. त्यानंतर इतर दोन मित्र रोहन दुर्वास पाटील आणि सनित सुरेश बिराडी यांना या घटनेबदल कोणालाही काहीही सांगायचे नाही असे मेघन नाक्ती, साहिल बिराडी यांनी धमकावले. यानंतर हे चौघेही मित्र काही घडलेच नाही या अविर्भावात घरी परतले. मात्र दिघी सागरी पोलीसांनी अत्यंत कौशल्याने या घटनेचा तपास करून आरोपी मित्रांना ताब्यात घेतलं. पोलिसी खाक्या दाखवताच त्यांनी गुन्हा काबुल केला.
ट्रॅक्टर अंगावर उलटला, आकाशचा आरडाओरडा, महिला मदतीला धावेपर्यंत उशीर झालेला
आपला मित्र प्रणयला अशा पद्धतीने क्रूर पद्धतीने का संपवलं याबाबत पोलीस चौकशी करीत आहेत. मात्र हा सगळा भयंकर प्रकार दारूच्या नशेतच करण्यात आल्याची माहिती पोलीस तपासात समोर आली आहे. या सगळ्या प्रकरणाचा अधिक तपास दिघी सागरी पोलीस ठाण्याचे सहाय्यक पोलीस निरीक्षक प्रसाद ढेबे करत आहेत.