अकोला : पुण्यातील एक व्यक्ती चक्क अंगावर डिझेल ओततो अन् स्वतःला पेटवून घेत पोलीस ठाण्यात शिरतो. हा धक्कादायक प्रकार आहे अकोला शहरातील सिव्हिल लाईन पोलीस स्टेशनमधील. दरम्यान पत्नी अन् दोन मुलं गेल्या काही दिवसांपासून बेपत्ता असल्याने तो निराश होता. मात्र, पत्नीचा कुठेही थांगपत्ता न लागल्यामुळे त्याने स्वतःला पेटवून घेत पोलीस ठाण्यात शिरला आणि आत्महत्येचा प्रयत्न केला. पोलिसांनी लागलीच ब्लॅंकेट आणि मातीच्या साह्याने अंगावरील आग विझवूनं त्याला उपचारार्थ रुग्णालयात दाखल केलं. यामध्ये व्यक्ती जवळपास ५० टक्के भाजला आहे.
नेमकी काय आहे संपूर्ण घटना?
पत्नीसह दोन मुलांना एका युवकानं पळवून नेले असून त्यांचा पोलिसांनी शोध घेऊन आणून द्यावे, या मागणीसाठी आणि आलेल्या नैराश्यातून एका व्यक्तिनं सिव्हिल लाइन पोलीस ठाण्यात आत्महत्येचा प्रयत्न केला. व्यक्तीने दोन बाटल्यांमध्ये डिझेल आणून अंगावर ओतत स्वत:ला पेटवून घेतले आणि आत्महत्येचा प्रयत्न केला. यात हा युवक गंभीररीत्या भाजला आहे. जवळपास ५० टक्के भाजला गेला असून त्याची प्रकृती स्थिर आहे.
टॉफी खाल्ली अन् तडफडू लागला ४ वर्षांचा चिमुरडा; आई-वडिलांच्या डोळ्यांदेखत गेला जीव; कारण धक्कादायक
पुणे जिल्ह्यातील देहु येथील अनिल कुटे (वय ३५) या व्यक्तीच्या पत्नीसह दोन मुलांना अकोला जिल्ह्यातील दहीगाव गावंडे येथील इंगळे नामक युवकानं पळवून नेले. त्याच्यावर कारवाई करून पत्नी व मुलांना परत आणून द्यावे, अशी या युवकाची मागणी होती. पत्नी आणि मुलं गेल्या अनेक दिवसांपासून बेपत्ता आहे. अनिलनं स्वत: सुद्धा अकोला शहरातील कृषी नगर भागात तसेच दहिगाव गावंडे परिसरात पत्नी व मुलांचा शोध घेतला. परंतु, त्याला ते कोठेही आढळून आले नाहीत.
निराश झालेला अनिल सिव्हिल लाइन पोलीस ठाण्याच्या परिसरात आला आणि सोबत दोन बाटल्यांमध्ये आणलेले डिझेल अंगावर ओतले. यानंतर त्याने स्वत:ला जाळून घेत पोलीस ठाण्यात दाखल झाला. पोलिसांनी प्रसंगावधान राखून त्याच्यावर ब्लॅंकेट टाकलं आणि माती तसेच मिळेल त्या वस्तूंने आग आटोक्यात आणली. या प्रकरणात आत्महत्येचा प्रयत्न केल्याप्रकरणी गुन्हा दाखल करण्यात आला असून पुढील तपास पोलीस करत असल्याची माहिती आहे.
Accident News: मुंबई-पुणे द्रुतगती मार्गावर कंटेनरचा ब्रेक फेल, लागोपाठ ७ वाहनांना उडवलं; गाड्यांचा भूगा५ दिवसांपासून अनिलच्या पोटात अन्नाच कण नाही…
पत्नी आणि मुलांचा शोध त्याने अकोला परिसरात अनेक भागात घेतला, परंतु कुठेही त्यांचा पत्ता लागला नाही. गेल्या पाच दिवसांपासून अनिल अकोला शहरात पत्नीच्या शोधात फिरत होता. मात्र, त्याला अपयशच मिळालं. पत्नीच्या शोधात त्याने पाच दिवसांपासून जेवणसुद्धा केलं नाही, असं पोलिसांकडून सांगण्यात येत आहे. आता अनिल रुग्णालयात भरती असून माझ्या मुलाला मला एकदा बघायचं आहे, असा हट्ट तो पोलिसांकडे करत आहे.
Kolhapur Rain: लग्नात वरुणराजा बरसला, ३५० ते ४०० वऱ्हाडी असलेला मंडपच कोसळला, क्षणात होत्याचं नव्हतं…