काही वेळानंतर नाजुकाचा भाऊ घटनास्थळी आला. त्याने घटनास्थळाची पाहणी केली. यावेळी आपली बहीण वापरत असलेली दुचाकी त्याला घटनास्थळी दिसून आली. घटनास्थळावर उपस्थित नातेवाईक आणि जमलेल्या लोकांनी मुलीचा नदीपात्रात शोध घेतला. यावेळी नाजुका त्यांना आढळून आली. तिला तात्काळ सरकारी रुग्णालयात नेण्यात आलं. यावेळी डॉक्टरांनी तिला तपासलं आणि तिचा मृत्यू झाल्याचं सांगितलं.
दरम्यान, नाजुका हिने मृत्यूपूर्वी आपल्या भावासाठी एक चिठ्ठी लिहून ठेवलेली मिळून आली. ‘मी तुला दुखावलं आहे. मला माफ कर, तुला दुखावल्याने मला असं वाटतं की माझा जगून काहीच उपयोग नाही. तुझं मन मोठं आहे म्हणून तू माझ्यासाठी एवढं सगळं करतो. यासाठी मी तुझी आभारी आहे. मला तुझी प्रगती होताना बघायचंय. पण जाऊ दे. तू नेहमी स्वतःची काळजी घे’, असा शेवटचा निरोप आपल्या भावासाठी चिठ्ठीत लिहून बहिणीने जीवन प्रवास संपवला आहे. या घटनेने परिसरात हळहळ व्यक्त केली जात आहे.