गोरेगाव येथे एका तरुणीने गळफास घेत आत्महत्या केल्याचा धक्कादायक प्रकार घडला आहे. अभिलाशा अभिमन्यू शेळके (वय २८, रा. मूळ औरंगाबाद) असं या आत्महत्या केलेल्या युवतीचं नाव आहे. गेले जवळपास ३ ते ४ वर्षापासून ही तरुणी येथील महावितरण कार्यालयात कार्यरत होती. दरम्यान, आत्महत्येच्या आधी या तरुणीने एक चिठ्ठी देखील लिहिली असून ती गोरेगाव पोलिसांनी जप्त केली आहे. “माझ्या आत्महत्येला कोणालाही जबाबदार धरु नये. हा निर्णय मी स्वतःहून घेतला आहे”, असं तीने आपल्या आई-वडिलांच्या नावाने लिहिलेल्या चिठ्ठीत म्हटलं आहे.
गुजरातविरुद्धच्या सामन्यापूर्वी RCB ला मोठा धक्का, स्टार गोलंदाज दुखापतीमुळे संघाबाहेर
मृत अभिलाषा शेळके गोरेगाव येथील कनिष्ठ अभियंता या पदावर कार्यरत होती. महावितरणच्या गोरेगाव येथील वसाहतीत ही युवती एकटीच राहत होती. राहत असलेल्या ठिकाणी शुक्रवारी १९ मे रोजी अभिलाशा हिने ओढणीने गळफास घेत आत्महत्या केली. गोरेगाव पोलीस ठाणे येथे आकस्मिक मृत्यूची नोंद करण्यात आली आहे. या सगळ्या प्रकरणाचा अधिक तपास सहाय्यक पोलीस निरीक्षक नावले यांच्या मार्गदर्शनाखाली पोलीस हवालदार उभारे करत आहेत.
सतेज पाटलांना आता बंटी म्हणणं बंद करा, अजित पवारांनी भरसभेत मुद्दा काढला, कारण सांगितलं