अहमदनगर : जामखेडमध्ये मोठ्या इमारतीत वापरण्यात येणारी स्वयंचलित अग्निशामक उपकरणे (फायरबॉल) तयार करणाऱ्या कारखान्यात स्फोट होऊ आग लागली. यामध्ये दोन कामगारांचा होरपळून मृत्यू झाला, तर अन्य दोघे गंभीर जखमी झाले आहेत. तापमानाचा पारा चाळीशी पार असताना शनिवारी भर दुपारी ही घटना घडली. अग्निशामक दलाने तातडीने धाव घेत आग अटोक्यात आणली. स्फोटामुळे कंपनीच्या भिंतीला भगदाड पडले. दोघा जखमींची प्रकृती चिंताजनक असल्याचे सांगण्यात आले.या दुर्घटनेत ज्ञानेश्वर चंद्रकात भोडवे (वय ४५ रा. घोडेगाव.ता.जामखेड) व झहीर सत्तार मुलानी (वय ३५ रा. तेरखेडा. ता कळंब) यांचा मृत्यू झाला. तर कारखान्याच्या बाजूला थांबलेले दोघे जखमी झाले आहेत. जामखेड शहरातील नगररोडवर पंकज शेळके यांच्या मालकीचा रेडमॅटीक ऑटोमॅटीक फायर फायटर हा कारखाना आहे. सुमारे दोन वर्षांपासून तेथे अग्मिशामक साधने तयार केली जातात.
शनिवारी दुपारी दीडच्या सुमारास कामगार ज्ञानेश्वर चंद्रकात भोंडवे व झहीर सत्तार मुलानी हे दोघे काम करीत होते. तर इतर दोघे कारखान्याच्या बाजुला थांबलेले होते. त्यावेळी अचानक कारखान्यात स्फोट झाला. हा स्फोट एवढा मोठा होता की त्या इमारतीच्या भिंतीला मोठे भगदाड पडले. त्यातून धुराचे मोठे लोट बाहेर आले. स्फोटाच्या अवाजाने आजुबाजूचे लोक धावत बाहेर आले. मात्र धुराचे लोट प्रचंड होते शिवाय आतमध्ये अधुनमधुन स्फोटांचे आवाज येत होते. त्यामुळे जवळ जाता येत नव्हते. स्फोटाचे नेमके कारण अद्याप स्पष्ट झालेले नाही.
शनिवारी दुपारी दीडच्या सुमारास कामगार ज्ञानेश्वर चंद्रकात भोंडवे व झहीर सत्तार मुलानी हे दोघे काम करीत होते. तर इतर दोघे कारखान्याच्या बाजुला थांबलेले होते. त्यावेळी अचानक कारखान्यात स्फोट झाला. हा स्फोट एवढा मोठा होता की त्या इमारतीच्या भिंतीला मोठे भगदाड पडले. त्यातून धुराचे मोठे लोट बाहेर आले. स्फोटाच्या अवाजाने आजुबाजूचे लोक धावत बाहेर आले. मात्र धुराचे लोट प्रचंड होते शिवाय आतमध्ये अधुनमधुन स्फोटांचे आवाज येत होते. त्यामुळे जवळ जाता येत नव्हते. स्फोटाचे नेमके कारण अद्याप स्पष्ट झालेले नाही.
या घटनीची माहिती जामखेड नगरपरिषदेच्या अग्निशामक दलाला देण्यात आली. त्यांचे पथक तातडीने आले. त्यांनी नागरिकांच्या मदतीने बचावकार्य व मदत कार्य सुरू केले. दीड तासांच्या प्रयत्नानंतर आग अटोक्यात आली. त्यानंतर आतमध्ये जाऊन पाहिले असता दोन कामगार होरपळलेल्या अवस्थेत आढळून आले. स्फोटाच्या वेळी बाजुला आसलेले गणेश पवार (रा. जामखेड) व एक असे दोघे जखमी झाले आहेत.
घटनेची माहिती समजताच सामाजिक कार्यकर्ते संजय कोठारी, अग्नीशामक दलाचे जवान अय्याज शेख, विजय पवार, अहमद सय्यद, पोलीस निरीक्षक महेश पाटील व त्यांचे सहकारी शंकर बोराटे यांच्यासह अनेक नागरिकांनी मदतीसाठी धाव घेतली. जखमींना रुग्णालयात घेऊन जाण्यासाठी सामाजिक कार्यकर्ते संजय कोठारी व त्यांच्या सहकार्यांनी मदत केली.