या प्रकरणी अधिक माहिती अशी की, सानिया (नाव काल्पनिक) यांनी दिलेल्या फिर्यादीनुसार पाच वर्षांपूर्वी त्यांचा आंतरजातीय विवाह झाला आहे. लग्न झाल्यानंतर त्या अंबरही परिसरात पतीसह राहत होत्या. पतीकडे त्यांचं नाव रोहिणी (काल्पनिक नाव) असे आहे. त्यांना दोन वर्षाचा मुलगा आहे.

रोहिणी यांचा पतीसोबत वाद झाला. यामुळे त्या रागाच्या भरात बहीण सबा व मेहुणा रहीम यांच्या घरी राहण्यासाठी आल्या. स्वतःचा उदरनिर्वाह करण्यासाठी तिने बहिणी सोबत काम बघण्यासाठी घराबाहेर पडण्याचं ठरवलं. यावेळी रोहिणी यांचा मुलगा मेहुणा रहीमकडे होता. काही वेळाने सबाही रोहिणीला सोडून घरी परत आली.

Electric Shock Death : नळाचे पाणी भरताना विजेचा धक्का, २६ वर्षीय विवाहितेचा दुर्दैवी मृत्यू
रोहिणी घरी आल्या, त्यावेळी त्यांचा मुलगा जोराने किंचाळत रडत होता. यावेळी तिने त्याला विश्वासात घेऊन विचारले, मात्र तो काहीच बोलण्याच्या मनस्थितीत नव्हता. काही वेळाने त्यांना मुलाच्या गुप्तांगावर जखम झाल्याचे दिसून आले. म्हणून त्यांनी बहीण सबा हिला विचारले तेव्हा दोघांनी मिळून मुलाची सुंता केल्याचे बहिणीने सांगितले.

दरम्यान घटनेची वाच्यता केल्यास रोहिणीला जीवे मारण्याची धमकी बहीण सबा व मेहुणा या दोघांनी मिळून दिली. यावेळी तिचा मोबाईल घेण्यात आला. पतीसोबत वाद झाल्यामुळे तिने काही दिवस तिथेच निमूटपणे काढले. त्यानंतर पाच मे रोजी ती मुलासह पतीकडे राहण्यासाठी आली.

बायकोला प्रियकरासोबत नको त्या अवस्थेत पकडलं; नवऱ्याला म्हणते, थांब कपडे घालू दे!
दरम्यान तिने हा घडलेला संपूर्ण प्रकार पतीला सांगितला. त्यानंतर पती व मुलगा यांना घेऊन ती जीएनसी पोलीस ठाण्यात गेली. घडलेला संपूर्ण प्रकार त्यांनी पोलिसांना सांगितला. घटनेची तात्काळ दखल घेत गुन्हा दाखल करून रोहिणी हिच्या बहिणीला तात्काळ अटक करण्यात आली आहे, तर तिचा पती फरार असून त्याचा शोध पोलीस घेत आहेत.