मुंबई : वरिष्ठ आयपीएस अधिकारी विश्वास नांगरे पाटील यांचे बनावट फेसबुक अकाऊण्ट तयार केल्याचा धक्कादायक प्रकार उघडकीस आला आहे. या फेक अकाऊण्टवरुन नांगरे पाटील यांच्या संपर्कातील काही व्यक्तींना मेसेजही पाठवण्यात आले. सुदैवाने मुंबईच्या सायबर पोलीस पथकाने तातडीने कारवाई करत हे बनावट अकाऊंट बंद केले आहे.गेल्या काही काळापासून सोशल मीडिया अकाऊंट हॅक करुन किंवा बनावट अकाऊंट तयार करुन फसवणूक करण्याचे प्रकार वाढल्याचे पाहायला मिळत आहे. अनेक बडे राजकीय नेते, कलाकार, क्रीडापटू, अधिकारी यांना याचा फटका बसला आहे.
लाचलुचपत प्रतिबंधक विभागात अप्पर पोलिस महासंचालक पदावर असलेल्या विश्वास नांगरे-पाटील यांचंच बनावट फेसबुक अकाऊंट तयार करुन त्याद्वारे नांगरे-पाटील यांच्या संपर्कातील काही व्यक्तींना मेसेज पाठवण्यात आल्याचा धक्कादायक प्रकार उघडकीस आला आहे.
लाचलुचपत प्रतिबंधक विभागात अप्पर पोलिस महासंचालक पदावर असलेल्या विश्वास नांगरे-पाटील यांचंच बनावट फेसबुक अकाऊंट तयार करुन त्याद्वारे नांगरे-पाटील यांच्या संपर्कातील काही व्यक्तींना मेसेज पाठवण्यात आल्याचा धक्कादायक प्रकार उघडकीस आला आहे.
विश्वास नांगरे पाटील यांनी आपल्या अधिकृत फेसबुक अकाऊंटवरुन पोस्ट शेअर करत यासंदर्भात माहिती दिली आहे.
“हॅलो मित्रांनो, काही बदमाश व्यक्तींनी माझ्या नावाने एक बनावट फेसबुक अकाऊंट उघडलं आहे. त्याद्वारे ते माझ्या संपर्कातील व्यक्तींना काहीही मेसेज पाठवत आहेत. मी याविरुद्ध कायदेशीर पावलं उचलली आहेत. मात्र त्यांना कुठल्याही प्रकारे प्रतिसाद देऊ नका, तसेच कुठल्याही प्रकारची माहिती शेअर करु नका, कारण हा फसवणुकीचा प्रकार असू शकतो, अशा शब्दात विश्वास नांगरे पाटील यांनी सर्वांना सावध केले आहे. तसेच सोबत त्यांनी दोन स्क्रीनशॉटही जोडले आहेत.
नकली नोटा बनवण्याचं प्रात्यक्षिक बघा, तरुणाचा प्रताप पाहून पोलिसही हैराण
विश्वास नांगरे पाटील यांनी केलेल्या तक्रारीनंतर मुंबईच्या सायबर पोलीस पथकाने तातडीची पावलं उचलत संबंधित बनावट फेसबुक अकाऊंट बंद करण्याची कारवाई केली आहे.
पाहा विश्वास नांगरे पाटील यांची फेसबुक पोस्ट
ऑनलाइन गेममध्ये पैसे हरल्याने तणाव, २३ वर्षीय तरुणाची तलावात उडी घेत आत्महत्या