मावळ : मावळ तालुक्यातील कुसगाव धरणावर मावशी सोबत फिरण्यासाठी आलेल्या एका दहा वर्षीय मुलाचा धरणात बुडून मृत्यू झाल्याची घटना समोर आली आहे. या घटनेने संबधित मुलाच्या मावशीला मोठा धक्का बसला असून परिसरात एकच खळबळ उडाली होती. शुक्रवारी दुपारच्या सुमारास ही घटना घडल्याने परिसरातील वातावरण तंग झाले होते.मआदर्श संतोष गायकवाड (वय १० वर्षे) असे मृत झालेल्या बलकाचे नाव असून तो पुण्यातील हडपसर येथील राहणारा आहे.याबाबत मिळालेली अधिक माहिती अशी की, मावळ तालुक्यातील कुसगाव धरण हे प्रसिद्ध आहे. कुसगाव धरणावर आदर्श हा आपल्या मावशीसोबत उबर गाडी घेऊन फिरण्यासाठी आला होता. तिथे आल्यानंतर ते सर्वजण पाण्यात खेळण्यासाठी उतरले होते. मात्र पाण्याचा अंदाज न आल्याने तो पाण्यात बुडू लागला. मात्र आरडाओरडा केला तरी वाचवण्यासाठी कुणीही आले नाही. त्यामुळे पाण्याचा अंदाज न आल्याने तो पाण्यात बुडला, अशी माहिती पोलिसांकडून देण्यात आली आहे. घटनेची माहिती मिळताच पोलिस घटना स्थळी दाखल झाली.
पाण्याचा अंदाज न आल्याने मुलगा बुडाला
पाण्याचा अंदाज न आल्याने मुलगा बुडाला
पाण्याचा अंदाज न आल्याने तो पाण्यात बुडाला, अशी माहिती पोलिसांना मिळाली. त्यानंतर शिरगाव परंदवाडी पोलीस स्टेशन येथून पीएसआय गावित, पोलीस हवालदार जॉन पठारे, पोलीस नाईक खेडकर हे तत्काळ घटनास्थळी दाखल झाले.
यासह वन्यजीव रक्षक मावळ संस्था आणि शिवदुर्ग मित्र लोणावळा तसेच गावकऱ्यांच्या मदतीने चिमुकल्याचा लगेच शोध सुरु केला. मुलगा सापडल्यानंतर त्याला तत्काळ उपचारासाठी रुग्णवाहिकेतून पवना हॉस्पिटल इथे रवाना करण्यात आले. मात्र पोलिसांनी त्याला मृत घोषित केले.
ऐकावं ते नवलंच! बकरीला बोकडाचे लिंग शिवून तो विकत होता मटण; असा झाला भांडाफोड
निलेश गराडे, भास्कर माळी, अविनाश कार्ले, विनय सावंत, अनिश गराडे आणि ग्रामस्त राजाराम केदारी आदींनी मुलाचा शोध घेण्यात मदत केली. या घटनेनं गायकवाड कुटुंबावर शोककळा पसरली आहे.