सातारा : सातारा जिल्ह्यातील कायम दुष्काळी माण तालुक्यात जिल्हा परिषद शाळा विजयनगर. तेथील कल्पक शिक्षक बालाजी जाधव यांचे विविध अभिनव प्रयोग सातत्याने ग्रामीण विद्यार्थ्यांना उद्याचं विश्व खुलं करणारे ठरताना दिसताहेत. त्याचाच एक भाग म्हणजे या शाळेतील पहिली ते चौथीचे ४० विद्यार्थी आता चक्क जपानी भाषा शिकताहेत.अगदी काही महिन्यात शाळेतील विद्यार्थी जपानी भाषेत वाचन, लेखन, संवाद, गणिते व दैनदिन संवाद साधण्यात तरबेज झालेयत.आज तरुण पदवीनंतर परदेशात नोकरीसाठी प्रयत्न करताहेत, मात्र त्या देशाची भाषा अवगत नसल्याने त्यांना ती नामी संधी मिळत नाहीय. मात्र विजयनगरच्या ग्रामीण गोरगरीब विद्यार्थ्यांना ही भविष्यात समस्या येऊ नये म्हणून त्यांनी प्राथमिक शाळेतच त्यांना जपानी भाषेचे धडे देण्यास सुरुवात केलीय. त्यासाठी सर्वप्रथम २ ते ३ आठवडे विद्यार्थ्यांना युट्युबवरील जपानी भाषेचे व्हिडिओ दाखवून त्यांना श्रवण व पाहणे अशी सुरुवात केली. काही बेसिक गोष्टी त्यांना समजू लागल्यावर जपानी भाषेतील संवाद दाखवण्यास सुरुवात केली व विद्यार्थ्यांनाही यात मज्जा येऊ लागल्याचे जाणवू लागले.
विद्यार्थी शिकतात जपानी भाषा
धक्कादायक! श्रीगोंदयात मानवी तस्करी, मोठं रॅकेट उघड; लोकांना डांबून भीक मागायलाही लावतात
जपानी भाषेत ३ प्रकारच्या लिपी असत्यात. त्यातील हिरागाना लिपी विद्यार्थ्यांना शिकवण्यास सुरुवात केलीय. त्यातील ५-५ अक्षरे शिकवून त्याचे वाचन व लेखन फावल्या वेळेत घेताहेत. प्रामुख्याने डीयूलींगो या app चा व युट्युबचा फायदा झालाय. एखादी बाब मी २ ते ३ दिवसात शिकलोय तर विद्यार्थी मात्र एका दिवसात ते शिकायचे हा अनुभव आल्याचे शिक्षक बालाजी जाधव यांना जाणवलेच सांगितले. विशेषतः इयत्ता पहिलीचे विद्यार्थी सहजतेने शिकताना जाणवतय.
विद्यार्थी शिकतात जपानी भाषा
कोणतीही भाषा श्रवण, भाषण, संभाषण, वाचन व लेखन या प्रकारे उत्तम शिकता येते. मग आम्ही छोटे छोटे संवाद ४ ते ५ ओळीचे गटागटाने घ्यायला सुरुवात केली. मग अक्षरापासून छोटे शब्द तयार करून त्याचे वाचन व जपानी लिपीत छोटे छोटे शब्द लेखनातपण चांगली गती येऊ लागलीय. विद्यार्थी जपानी भाषेतील प्राणी, पक्षी, वार, महिने, फळे, फुले, नातेवाईक, कृती, दैनंदिन शब्द व वाक्य वाचन बोलणे हे सहजपणे करू लागले. साधारण ४ महिन्याचा या सर्व बाबी शिकण्यास वेळ लागलाय, असे येथील शिक्षक सांगतात.
नवी मुंबईत मेट्रोएवजी धावणार मेट्रो निओ, स्टँडर्ड गेज मेट्रोऐवजी सिडकोने निवडला नवा पर्याय
यानंतर आम्ही अंक व गणिते यावर भर देऊन सर्व अंक मराठी व जपानी भाषेत वाचन, लेखन शिकलो व आजघडीला सर्व विद्यार्थी नुसते अंक ओळखतच नाहीत तर जपानी भाषेत त्याचे लेखन तर करतच आहेत, पण त्यापलीकडे जपानी भाषेत बेरीज, वजाबाकी, गुणाकार, भागाकार सुद्धा करत आहेत, अशी माहितीही शिक्षकांनी दिली.
विद्यार्थी शिकतात जपानी भाषा
जर जपानी माणूस बोलताना दिसला, तर १०० टक्के आमच्या विद्यार्थ्यांना ते आत्ता समजू शकते. परदेशी भाषा शिकण्यास एकीकडे हजारो रुपये शिकवणी वर्गासाठी लोक घालवतात. मात्र इतक्या ग्रामीण भागात ही मुले अशी अभिनव शिक्षण घेत असल्याने पालक खूश आहेत.
विद्यार्थी शिकतात जपानी भाषा
लहान वयात मुलांना एक वेगळी परदेशी भाषा शिकण्याची संधी बालाजी जाधव यांच्यासारख्या सारख्या कल्पक शिक्षकामुळे ग्रामीण विद्यार्थ्यांना प्राप्त झालीय. दरवर्षी अशी एक वेगळी भाषा मुलांना दैनंदिन अभ्यासासोबत शिकवण्याचा संकल्प असल्याचेही त्यांनी सांगितलंय.