वाशिम जिल्ह्यातील सर्वात मोठी बाजार समिती म्हणून ओळख असलेल्या वाशिम कृषी उत्पन्न बाजार समितीच्या निवडणुकीत महाविकास आघाडीने बाजी मारली आहे. खरतर ही निवडणूक महाविकास आघाडी विरुद्ध महाविकास आघाडी अशीच झाली. कारण भाजप व शिवसेना (शिंदे) यांचे उमेदवार नाममात्रच होते. वाशिम बाजार समिती निवडणुकीत काँग्रेसचे नेते व जि. प. उपाध्यक्ष चक्रधर गोटे, शिवसेना ठाकरे गटाचे जिल्हाप्रमुख सुधीर कव्हर यांच्या नेतृत्वाखाली काँग्रेस, शिवसेना (दोन्ही), वंचित आणि भाजप यांचं शेतकरी विकास पॅनल विरुद्ध शिवसेना ठाकरे गटाचे माजी जिल्हाप्रमुख सुरेश मापारी यांच्या नेतृत्वाखाली शिवसेना ठाकरे, राष्ट्रवादी काँग्रेस आणि काँग्रेस यांचं शेतकरी सहकार पॅनल अशी लढत झाली यात शेतकरी विकास पॅनलला १५ पैकी ९ जागांवर विजय मिळाला. शेतकरी सहकार पॅनलला ६ जागांवर समाधान मानावे लागले . हमाल, व्यापारी व अडते मतदार संघात स्वतंत्र तीन उमेदवार निवडून आले आहेत. सभापती पदाच्या निवडणुकीत या तिघांचे मत निर्णायक ठरणार आहे.

गॅस गळतीनं बेशुद्ध पडताच ११ जणांचा मृत्यू, लुधियानात वायू गळती कंपनी की किराणा दुकानातून? पंजाब हादरलं

वाशिम १८ जागांचे निकाल पक्षा नुसार (शेतकरी विकास पॅनल)

काँग्रेस – ०५…
वंचित – ०२…
शिवसेना शिंदेगट – ०१
भाजपा – ०१ (आ.लखन मलिक समर्थक)

(शेतकरी सहकार पॅनल )
राष्ट्रवादी – ०३..
शिवसेना ठाकरे गट – ०३
इतर – ३
एकनाथ खडसेंचा मुख्यमंत्री शिंदेंच्या आमदाराला धक्का; २५ वर्षे सत्ता, बोदवडचा गड राखला

दिग्गजांची प्रतिष्ठा पणाला

रिसोड आणि मालेगाव बाजार समितीसाठी आज खासदार भावना गवळी, माजी मंत्री अनंतराव देशमुख आणि काँग्रेसचे आमदार अमित झनक यांची प्रतिष्ठा पणाला लागली आहे. अनंतराव देशमुख यांनी भाजप मध्ये प्रवेश केल्यानंतर ही पहिलीच निवडणूक आहे. यात आजवर एकमेकांचे कट्टर विरोधक असलेले भावना गवळी, अनंतराव देशमुख माजी आमदार विजय जाधव हे एकत्र आल्याने भाजप विरुद्ध महाविकास आघाडी अशी थेट लढत इथे होणार आहे. तर कारंजा आणि मंगरूपीर या बाजार समितीसाठी राष्ट्रवादी काँग्रेसचे माजी मंत्री सुभाष ठाकरे, त्यांचे पुत्र राष्ट्रवादी चे जिल्हाध्यक्ष तथा जि.प.अध्यक्ष चंद्रकांत ठाकरे विरुद्ध भाजपचे आमदार राजेंद्र पाटणी यांची प्रतिष्ठा पणाला लागली आहे.

गुलाबरावांनी ठाकरेंची साथ सोडली, मात्र बालेकिल्ल्याची पकड कायम; बाजार समितीत काय निकाल लागला?