आई-वडील, मोठा भाऊ ऊस तोड तसेच अन्य ठिकाणी कामावर गेल्यास ती आई होऊन लहान बहिणीचा सांभाळ करायची. एकूणच मुबारकपूर तांड्यावर असणारी लमाण समजातील परिस्थिती पाहून तिनं शिकून शिक्षिका होण्याचं ठरवलं होतं. याबद्दल ती सर्वांना सांगत असे, मी मोठी होऊन शिक्षिका होणार आहे. मला आई वडिलांसह काबाडकष्ट करणाऱ्या भावाची मदत करायची आहे आणि जे मुलं गरीब घरातील आहे अशा मुलांना शिक्षणासाठी प्रोत्साहित करायचे आहे.

या ध्यासाने ती सतत अभ्यास आणि कुटुंबाला कामात मदत करणारी आरुषी काल दुपारी शेळ्या चारण्यासाठी शेतात गेली होती. मात्र, दुपारी आभाळ भरून आले आणि पावसाचे वातावरण निर्माण झाले, वादळी वाऱ्यासह पावसाळा सुरूवात झाली. विजांचा कडकडाट आणि गारांसह पाऊस कोसळू लागल्याने आरुषी असरा घेण्यासाठी झाडाकडे धावली. मात्र, तिच्यावर वीज कोसळली त्यातच तिचा मृत्यू झाला. ही घटना समजताच तांड्यावर शोककाळा पसरली.

बदला! दोन वर्षांपासून वाट बघत होता, तो परदेशातून परतला अन् खेळ खल्लास, कारण ठरला एक कबुतर…
तिच्यावर मुबारकपूर तांड्यावर अंत्य संस्कार करण्यात आले. तिच्या अशा अकाली जाण्याने तिची सप्न आणि आठवणी शिल्लक राहिल्यात. तिच्या आठवणीने व्याकुळ होऊन हंबरडा फोडणाऱ्या तिच्या आईचा आक्रोश पाहून अनेकांच्या डोळ्यात पाणी आलं.