WTC फायनलसाठी भारतीय संघाची घोषणा, IPLमधील धमाक्याने अजिंक्यने मिळवली कसोटी संघात जागा
मृत तरुणाचा भाऊ राकेश सुदाम कोळी (वय २३, रा. वाल्मिकनगर, शिरपूर) याने पोलीस स्टेशनमध्ये फिर्याद दाखल केली. तक्रारीत म्हटल्याप्रमाणे त्याचा भाऊ राजू याला दारूचे व्यसन होते. त्यामुळे तो किस्मतनगर येथे दारू पिण्यासाठी जात होता. मागील दारूच्या उधारीच्या पैशांमुळे दोन दिवसांपूर्वी त्याचे भांडण झाले होते. त्यात त्याला शिवीगाळ करून लाथाबुक्क्यांनी मारहाण केली होती. मारहाणीनंतर मारहाण करणाऱ्यांविरोधात पोलीस स्टेशनमध्ये तक्रार केली नव्हती. त्यानंतर पुन्हा राजू हा दारू पिण्यासाठी किस्मतनगर येथे गेला असता सुंदरवाडी रोडवर चार जणांनी अडवले. शिवीगाळ करत त्याला लाथाबुक्क्यांनी जबर मारहाण केली. यात त्याच्या डोक्याला, पाठीला, पोटाला आणि तोंडावर गंभीर दुखापत झाली होती.

मारहाण होत असल्याचे लक्षात येताच त्याला त्याच्या भावांनी त्यांच्या तावडीतून सोडवलं. राजू कोळी याला गंभीर अवस्थेत घरी आणण्यात आले. त्याच्या कानातून मोठ्या प्रमाणात रक्तस्राव होत होता. डोळाही सुजला होता. त्याला दवाखान्यात नेतांना परत मारहाण होईल या भीतीने घरातच झोपवलं. सायंकाळी त्याला जेवणासाठी झोपेतून उठवण्याचा प्रयत्न केला.

मात्र, तो न उठल्याने त्याला तात्काळ कॉटेज हॉस्पिटल शिरपूर येथे दाखल करण्यात आले. डॉ. दिव्या तवर यांनी राजू कोळी याला तपासून मृत घोषित केले. या प्रकरणी काल सायंकाळी संशयित आरोपी योगेश कोळी, दीपक कोळी, छोटू कोळी, बंटी कोळी यांच्याविरोधात शिरपूर पोलीस ठाण्यात हत्येचा गुन्हा दाखल करण्यात आला आहे. यानंतर चारही संशयित आरोपी हे फरार झाले असून शिरपूर पोलीस त्यांचा कसून शोध घेत आहे. अशी माहिती पोलिसांनी दिली आहे.

भाविकांचे श्रद्धास्थान असलेल्या बाळूमामा देवस्थान ट्रस्टबाबत मोठी बातमी; वादानंतर कठोर निर्णय