सातारा: वाई – पांचगणी मुख्य मार्गावर खंबाटा गॅरेजजवळ दुचाकी झाडावर धडकून झालेल्या अपघातात एक युवक ठार झाला. दुचाकीवरील ताबा सुटल्याने हा अपघात झाला. ही घटना काल रात्रीच्या सुमारास घडली. त्याच्या मृत्यूने मित्र परिवारात तसेच गावात हळहळ व्यक्त होत आहे.
याबाबत पांचगणी पोलीस ठाण्यातून मिळालेल्या माहितीनुसार, काल रात्री प्रफुल्ल प्रकाश कांबळे (वय ३६, रा. पाचगणी, ता. महाबळेश्वर) हा आपल्या मोटारसायकल क्रमांक एमएच ११ सीएम २९४२ घेऊन घरी पाचगणीकडे निघाला होता. अचानक गाडीवरील ताबा सुटल्याने त्याने रस्त्याच्या कडेला असणाऱ्या झाडाला धडक दिली. या भीषण अपघातात त्याच्या डोक्याला जबर मार लागून प्रफुल्ल जखमी झाला.
याबाबत पांचगणी पोलीस ठाण्यातून मिळालेल्या माहितीनुसार, काल रात्री प्रफुल्ल प्रकाश कांबळे (वय ३६, रा. पाचगणी, ता. महाबळेश्वर) हा आपल्या मोटारसायकल क्रमांक एमएच ११ सीएम २९४२ घेऊन घरी पाचगणीकडे निघाला होता. अचानक गाडीवरील ताबा सुटल्याने त्याने रस्त्याच्या कडेला असणाऱ्या झाडाला धडक दिली. या भीषण अपघातात त्याच्या डोक्याला जबर मार लागून प्रफुल्ल जखमी झाला.
त्याला उपचारासाठी एसओएस सदस्यांनी रात्रीच वाई येथील गीतांजली हॉस्पिटलमध्ये दाखल केले. मात्र, डॉक्टरांनी त्याला तपासून तो उपचारापूर्वी मयत झाले असल्याचे घोषित केले. या घटनेची फिर्याद गीतांजली हॉस्पिटलचे वैद्यकीय अधिकारी यांनी पोलीस स्टेशनमध्ये दिली आहे. पाचगणी पोलीस ठाण्यात या घटनेची आकस्मिक मृत्यू म्हणून नोंद झाली आहे.
प्रफुल्लच्या आकस्मिक मृत्यूने मित्रपरिवार आणि नातेवाईकांमध्ये हळहळ व्यक्त होत आहे. या घटनेचा अधिक तपास पाचगणी पोलीस ठाण्याचे सहाय्यक पोलीस निरीक्षक राजेश माने यांच्या मार्गदर्शनाखाली एएसआय बाबर करत आहेत.