बुलडाणा : आधी बायकोचा पैशांसाठी अतोनात छळ केला. गर्भवती बायकोवर तिची इच्छा नसतांना जबरदस्ती बलात्कार केला. त्यानंतर बायकोशी घटस्फोट झालेला नसतांना बायकोच्या भावाच्या बायकोशी लगन केले, त्याचे फोटो बायकोला पाठवले. विशेष म्हणजे जिच्यासोबत दुसरे लगन केले तिचाही आधीच्या नवऱ्याशी घटस्फोट झालेला नाही. पिडीत विवाहितेने साखरखेर्डा पोलीस ठाण्यात तशी तक्रार दिलीय. तक्रार पाहून पोलिसही चक्रावले.बुलडाणा जिल्ह्यातील मलकापूर पांग्रा येथील एका विवाहितेने वय वर्ष ३० याप्रकरणाची तक्रार दिली आहे. २०१८ मध्ये अंत्री कोळी येथील एका तरुणाशी तिचे मुस्लिम रितीरीवाजा प्रमाणे लग्न झाले होते. तक्रारीनंतर सुरुवातीचे केवळ दोन महिने तिला चांगले वागवले. त्यानंतर गाडी घेण्यासाठी माहेरवरून २ लाख रुपये आणण्यासाठी तिच्या सासरच्यांनी तगादा लावला. माझ्या वडिलांनी लग्नात ५ लाख दिलेत आता पुन्हा २ लाख ते कुठून देतील असे विवाहिता त्यांना सांगत होती.
मात्र तिचे काहीही एकूण घेण्यात येत नव्हते. सासराही दारू पिऊन अश्लील शिवीगाळ करायचा. घरातील इतर लोक शारीरिक व मानसिक छळ करायचे असे तिने तक्रारीत म्हटले आहे. विवाहिता गरोदर असताना तिच्या नवऱ्याने तिच्याशी जबरदस्ती शारीरिक संबंध ठेवले, याप्रकरणात साखरखेर्डा पोलीस ठाण्यात याआधीच बलात्काराचा गुन्हा दाखल झालाय.
मात्र तिचे काहीही एकूण घेण्यात येत नव्हते. सासराही दारू पिऊन अश्लील शिवीगाळ करायचा. घरातील इतर लोक शारीरिक व मानसिक छळ करायचे असे तिने तक्रारीत म्हटले आहे. विवाहिता गरोदर असताना तिच्या नवऱ्याने तिच्याशी जबरदस्ती शारीरिक संबंध ठेवले, याप्रकरणात साखरखेर्डा पोलीस ठाण्यात याआधीच बलात्काराचा गुन्हा दाखल झालाय.
दरम्यान विवाहिता गरोदर असताना व माहेरी असताना नवऱ्याने तिला धमकीचे मॅसेज पाठवले. पैसे दिले नाही तर दुसरे लग्न करील असे त्या मेसेज मध्ये होते. काही दिवसांत त्याने त्याच्या दुसऱ्या लग्नाचे फोटो विवाहितेला पाठवले. फोटो पाहून विवाहितेला धक्का बसला. कारण तिच्या भावाच्या बायकोसोबत तिच्या नवऱ्याने दुसरा संसरा थाटला होता.
कल्याणमध्ये धक्कादायक प्रकार उघड; लॉजवर सुरू होते भलतेच, २ अल्पवयीन मुलींची सुटका, दलाल महिला अटकेत
तक्रारदार विवाहीतेसोबत त्याने घटस्फोट घेतला नव्हताच. शिवाय जिच्यासोबत दुसरे लग्न केले तिनेही आधीच्या नवऱ्यासोबत घटस्फोट घेतलेला नाही. नवऱ्याने केलेले लग्न बेकायदेशीर असल्याचे तक्रारदार विवाहितेचे म्हणणे आहे. पोलिसांनी याप्रकरणी विवाहितेच्या सासरकडील पतीसह, दिर, सासू, सासरा यांच्यासह ११ जणांविरुद्ध गुन्हा दाखल केला आहे.
महिलांवरील अत्याचार रोखण्याकरिता अनेक कठोर कायदे केल्या गेले आहे. पण जेव्हा महिलेला घरातूनच त्रास किंवा अत्याचार केला जातो याला सुद्धा कायमस्वरूपी पायबंद घालणं कठोर शासन करणे गरजेचे आहे.
आंबा खाताय, सावधान! आंब्यावर रसायनांची फवारणी, एपीएमसी मार्केटमध्ये नागरिकांच्या जीवाशी खेळ