बदलापूरःएका महिलेची गळा चिरून हत्या करण्यात आल्याची घटना बदलापूरमध्ये घडली आहे. बदलापूर पूर्वेतील राऊत आर्केडमध्ये हा प्रकार घडला असून यानंतर पोलिसांनी घटनास्थळी धाव घेत तपासाला सुरुवात केली आहे.बदलापूर पूर्वेच्या शिरगाव परिसरातील राऊत चौकात राऊत आर्केड नावाची इमारत आहे. या इमारतीत राजश्री गणेश भोसले ही ३५ वर्षीय महिला पती आणि मुलासह वास्तव्याला होती. शनिवारी दुपारच्या सुमारास ही महिला घरात मृतावस्थेत आढळून आली. याबाबतची माहिती मिळताच बदलापूर पूर्व पोलिसांनी घटनास्थळी धाव घेत दरवाजा तोडून प्रवेश केला असता राजश्रीच्या गळ्यावर वार करत तिची हत्या करण्यात आल्याचं समोर आलं. यानंतर पोलिसांनी पंचनामा करून तिचा मृतदेह ताब्यात घेत बदलापूर ग्रामीण रुग्णालयात शवविच्छेदनासाठी पाठवला.
फटलणवर शोककळा! जवान जम्मूला कर्तव्यावर जाण्यापूर्वी मामाला भेटायला गेला, परतताना घडले धक्कादायक
राजश्रीची हत्या ही तिच्या पतीने गणेश भोसले यानेच केल्याचा संशय पोलिसांनी व्यक्त केला असून त्या दृष्टीने पोलिसांचा सध्या तपास सुरू असल्याची माहिती बदलापूर पूर्व पोलीस ठाण्याचे वरिष्ठ पोलीस निरीक्षक अनिल पडवळ यांनी दिली आहे. दरम्यान, या घटनेनंतर गणेश हा फरार झाला असून त्याचा फोनही बंद येत असल्याची माहिती पोलिसांनी दिली आहे. ही हत्या का करण्यात आली? याचे कारण मात्र अद्यापही स्पष्ट होऊ शकलेलं नसून बदलापूर पूर्व पोलीस या प्रकरणाचा पुढील तपास करत आहेत.
समृद्धी महामार्गावरून प्रवास करण्याआधी नवीन नियम जाणून घ्या, फक्त याच वाहनांना मिळणार प्रवेश
नवनिर्वाचित सरपंचाची कोयत्याने वार करून निर्घृण हत्या; भर चौकात आधी रेकी, काहीच मिनिटांत हल्ला
