पुणे:पुण्यात अगाखा पॅलेससमोर एका कारने मालवाहू डम्परला मागून धडक दिली. या धडकेनंतर कारने पेट घेतला. त्यावेळी एका प्रशिक्षित फायरमन जवानाने प्रसंगावधान दाखवत आपल्या हेल्मेटने गाडीची काच फोडली आणि वाहन चालक महिलेचा जीव वाचवला. त्यानंतर जवळच्या कंपनीतील सुरक्षा रक्षकानी अग्निशमन यंत्रणेचा वापर करुन आग विझवण्यास सुरुवात केली. तर अग्निशमन दलानेही वेळेत पोहोचून आगीवर नियंत्रण मिळवलं.अहमदनगर-पुणे रोडवर आगाखा पॅलेस समोर एम एच १४ HU ८५८५ मालवाहू डम्परला उभा होता. तेवढ्यात MH१२ QF५१८८ क्रमांकाच्या फोर्ड इकोस्पोर्ट या वाहनाने उभ्या डंपरला मागून धडक दिली. धडक दिल्यानंतर वाहनाने थेट पेट घेतला. प्रत्यक्षदर्शींच्या म्हणण्यानुसार एका प्रशिक्षित फायरमन जवानाने आपल्या हेल्मेटने गाडीची काच फोडून वाहन चालक महिलेला बाहेर काढलं आणि तिचा जीव वाचवला. वाहन चालक महिलेचे नाव नविता (वय वर्ष ३५ ते ३७, राहणार वडगाव शेरी) असं सांगण्यात येत आहे.
त्यानंतर समोरच असलेल्या शांतीवन सॉफ्टवेअर हब कंपनीच्या सुरक्षा रक्षकांनी कंपनीची अग्निशमन यंत्रणा वापरून आग विझवण्याचा प्रयत्न केला. तेवढ्यात अग्निशमन दलही घटनास्थळी पोहोचलं होतं. त्यामुळे कुठलाही मोठी अनर्थ घडण्यापूर्वी आग पूर्णपणे विझवली गेली. अग्निशमन दलाचे कार्य प्रभारी अधिकारी सोपान पवार, ड्रायव्हर सचिन वाघमारे, फायरमन – सचिन जौजळे, संजय कारले मदतनीस राहुल वडेकर, शरद दराडे आणि अक्षय केदारी यांनी वेळेत ही आग विझवण्यात यश मिळवलं.
त्यानंतर समोरच असलेल्या शांतीवन सॉफ्टवेअर हब कंपनीच्या सुरक्षा रक्षकांनी कंपनीची अग्निशमन यंत्रणा वापरून आग विझवण्याचा प्रयत्न केला. तेवढ्यात अग्निशमन दलही घटनास्थळी पोहोचलं होतं. त्यामुळे कुठलाही मोठी अनर्थ घडण्यापूर्वी आग पूर्णपणे विझवली गेली. अग्निशमन दलाचे कार्य प्रभारी अधिकारी सोपान पवार, ड्रायव्हर सचिन वाघमारे, फायरमन – सचिन जौजळे, संजय कारले मदतनीस राहुल वडेकर, शरद दराडे आणि अक्षय केदारी यांनी वेळेत ही आग विझवण्यात यश मिळवलं.
पुणेकर ऐकत नाय! हापूस परवडेना म्हणून थेट आंबा EMIवर, विक्रेत्याची भन्नाट कल्पना
बीपी लो झाल्याने अपघात झाला
वाहन चालक महिलेचा बीपी लो झाल्यामुळे तिचं गाडीवरील नियंत्रण सुटलं आणि नियंत्रण सुटल्यामुळे महिलेने आधी दोन दुचाकी चालकांना धडक दिली. त्यानंतर ही गाडी जाऊन उभ्या डम्परला धडकली. डम्परला धडक दिल्यामुळे गाडीच्या समोरील भागाने पेट घेतला. हा सर्व प्रकार तिथे उपस्थित एका प्रशिक्षण घेणाऱ्या फायरमनने पाहिला. त्यानंतर त्याने तात्काळ प्रसंगावधान दाखवत आपल्या हेल्मेटने गाडीची काच फोडून महिलेला बाहेर काढले. बाहेर काढल्यानंतर महिलेची वैद्यकीय तपासणी करण्यात आली, तेव्हा तिचं बीपी लो झाल्याचं दिसून आलं. त्यामुळेच अपघात झाल्याचा अंदाज अग्निशामक अधिकारी सोपान पवार यांनी वक्त केला आहे.
पाऊस पडेल म्हणून कामावरुन लवकर घरी निघाले, मात्र नियतीच्या मनात काही औरच; पिंपरीच्या ‘त्या’ ५ जणांची दुर्दैवी कहाणी