या आगीच्या दरम्यान अनेक जण अडकले होते. त्यांना अग्निशमन दलाने त्यांना सुखरूप बाहेर काढले आहेत. या आगीत कोणी अडकले आहे का याचे शोधकार्य सुरु आहेत. या आगीचे कारण अद्याप स्पष्ट झाले नसून शॉर्टसर्किटमुळे ही आग लागली असल्याचा प्राथमिक अंदाज वर्तवला जात आहे. या बिझनेस पार्कमध्ये पार्किंग झोनपर्यंत ही आग पोहचल्याने काही गाड्यांनी पेट घेतला आणि त्यामुळे काही गाड्यांचा स्फोट झाला असल्याची प्राथमिक माहिती देखील समोर आली आहे. या घटनेवर नियंत्रण मिळवण्यासाठी अग्निशमन दलाच्या ७ ते ८ गाड्या घटनास्थळी पोहोचल्या असून आग विझवण्याचे कार्य सुरूच आहे. लवकरच या आगीवर नियंत्रण मिळवण्यात यश येणार असल्याचे अग्निशमन दलाकडून सांगण्यात आले आहे.
या घटनेमुळे परिसरात एकच खळबळ उडाली होती. हळूहळू आगीने भीषण स्वरूप धारण करत आगीचे लोळ हे चार मळ्यापर्यंत उंचावले आणि ही आग जनरेटर रूमपर्यंत जाऊन पोहोचली आहे. त्यामुळे अग्निशमन दलासमोर आव्हान उभे राहिले होते. ही आग विझवण्यासाठी घटनास्थळी स्थानिक पोलीस अधिकारी आणि कर्मचारी, आपत्ती व्यवस्थापन कक्षाचे अधिकारी व कर्मचारी, अग्निशमन दलाचे अधिकारी व जवान, फायर वाहन, रेस्क्यू वाहन, वॉटर टँकर, जम्बो वॉटर टँकर वाहनासह उपस्थित आहेत. अग्निशमन दलाचे जवान आगीवर नियंत्रण मिळवण्याचा कसोशीने प्रयत्न करत आहेत. आग वाढत चालली असताना नियंत्रणासाठी अग्निशमन दलाची कसरत सुरु आहे. लवकरच या आगीवर नियंत्रण मिळवण्यात यश प्राप्त होणार असल्याचे यावेळी अग्निशमन दलाकडून सांगण्यात आले.
घटनास्थळी उपस्थित असलेल्या अग्निशमन दलाच्या वाहनांची माहिती पुढील प्रमाणे :
फायर वाहन : ०५,
रेस्क्यू वाहन : ०२,
वॉटर टँकर : ०५,
जम्बो वॉटर टँकर : ०२,
ब्रांनटो : ०१,
जीप : ०६,
बुलेट : ०१
मुंबईच्या ओशिवारा फर्निचर मार्केटमध्ये अग्नितांडव; सगळच भस्म