सातारा:कोरेगाव तालुक्यातील वाघोली येथे जमिनीच्या वादातून जावयाने चुलत सासऱ्याला गोळ्या घातल्या. ही घटना सोमवारी सायंकाळी सातच्या सुमारास घडली. सासरा सुनील शंकर भोईटे (वय ४८) याचा जागीच मृत्यू झाला आहे. गोळीबाराची घटना घडल्यानंतर दोघेही संशयित आरोपी स्वतःहून वाठार पोलीस ठाण्यात हजर झाले असल्याचे पोलिसांनी सांगितले.याबाबत घटनास्थळावरून मिळालेली माहिती अशी की, मृत सुनील भोईटे यांचे बंधू नामदेव भोईटे यांना दोन विवाहित मुली आहेत. मात्र, त्यांना मुलगा नाही. नामदेव यांचा जावई रवी यादव याने नामदेव यांच्या हिश्याची जमीन विकली असल्याची प्राथमिक माहिती आहे. या वडिलोपार्जित जमिनीसंदर्भात न्यायालयात दावा दाखल आहे. तो दावा सुनील भोईटे यांनी दाखल केलेला आहे, अशीही माहिती मिळाली आहे. यावरून नामदेव भोईटे यांचे जावई रवी आणि सुनील भोईटे यांच्यात वादविवाद झाले होते.

पाऊस पडेल म्हणून कामावरुन लवकर घरी निघाले, मात्र नियतीच्या मनात काही औरच; पिंपरीच्या ‘त्या’ ५ जणांची दुर्दैवी कहाणी
आज सायंकाळी सात वाजण्याच्या सुमारास नामदेव याचे जावई रवी यादव व सुनिल यादव या दोघांनी वाघोली येथे सुनील भोईटे व त्यांचा मुलगा दुचाकीवरून घराकडे निघाले असताना त्यांना वाटेत अडवून भोईटे यांच्यावर पिस्तूल रोखले. त्यावेळी भोईटे यांचा मुलगा माझ्या वडिलांना मारू नका म्हणून हात जोडून विनवण्या करीत होता. मात्र, तरीही रवी यादव याने भोईटे यांच्या पोटात व छातीत तीन गोळ्या घातल्या. गोळ्या वर्मी लागल्याने सुनील भोईटे यांना तातडीने पिंपोडे बुद्रुकच्या ग्रामीण रुग्णालयात दाखल करण्यात आले. मात्र तत्पूर्वीच भोईटे यांचा मृत्यू झाला.

आठवड्याभरात साताऱ्यातील आणखी एका जवानाला वीरमरण, कर्तव्यावर असताना घडली दुर्दैवी घटना
रवी यादव व सुनिल यादव यांचे मूळगाव सोळशी (ता. कोरेगाव) हे असून ते सध्या पुणे येथे वास्तव्यास असतात. गोळीबाराची घटना घडल्यानंतर दोघेही स्वतःहून वाठार पोलीस ठाण्यात हजर झाले असल्याचे पोलिसांनी सांगितले. घटनेसंदर्भात वाठार पोलीस अधिक तपास करीत आहेत.

आम्ही मेल्यावर सरकार जमिन देणार का? भाकरी-तुकडा घेऊन आजी आंदोलनात, धरणग्रस्तांचे मनोबल वाढवतेय ७५ वर्षीय वाघीण