अर्जुन राठोड, नांदेड :मराठवाड्यात शेतकऱ्यांच्या आत्महत्येचं सत्र सुरूच आहे. शेतीवर येणाऱ्या विविध संकटांमध्ये सध्या अवकाळी पावसाची भर पडली आहे. राज्यातील शेतकऱ्यांच्या आत्महत्येच्या घटनांमध्ये वाढ झाली आहे. अनेक शेतकरी हतबल होऊन आत्महत्येच पाऊल उचलत आहेत. अनेक शेतकरी कर्जबाजारीला कंटाळून आपले आयुष्य देखील संपवत आहेत. नांदेड जिल्ह्यातील लोहा तालुक्यातील घटना देखील हृदयाला चटका देणारी घटना ठरली आहे. सततची नापिकी आणि त्यातच वडिलांच्या डोक्यावरील कर्ज फिटत नसल्याने एका शेतकऱ्याच्या मुलाने झाडाला गळफास घेऊन आत्महत्या केली. शुक्रवारी सकाळी लोह्या तालुक्यातील धनंजय बुद्रुक या गावात ही घटना घडली. रोकडेश्वर बालाजी शिंदे असं या तरुण शेतकऱ्याच नाव आहे.
धनंजय बुद्रुक येथील रहिवासी रोकडेश्वर शिंदे हा अल्पभूधारक शेतकरी असून वडिलांसोबत तो शेतीचा व्यवसाय करायचा. घरची संपूर्ण जवाबदारी त्याच्यावर होती. रोकडेश्वर यांचे वडील बालाजी शिंदे यांनी काही वर्षा पूर्वी मारतळा येथील बँक ऑफ महाराष्ट्र या शाखेतून एक लाख २५ हजार रुपयाचे पीक कर्ज घेतले होते. तसेच मणिपूरम गोल्ड लोन या खाजी फायनान्सचे पाच लाख रुपयाचं थकीत कर्ज त्यांच्यावर होते. कर्जाच्या पैशातून त्यांनी गावात घर बांधले होते. मात्र, कर्जाची परतफेड त्यांना करता आली नाही.
धनंजय बुद्रुक येथील रहिवासी रोकडेश्वर शिंदे हा अल्पभूधारक शेतकरी असून वडिलांसोबत तो शेतीचा व्यवसाय करायचा. घरची संपूर्ण जवाबदारी त्याच्यावर होती. रोकडेश्वर यांचे वडील बालाजी शिंदे यांनी काही वर्षा पूर्वी मारतळा येथील बँक ऑफ महाराष्ट्र या शाखेतून एक लाख २५ हजार रुपयाचे पीक कर्ज घेतले होते. तसेच मणिपूरम गोल्ड लोन या खाजी फायनान्सचे पाच लाख रुपयाचं थकीत कर्ज त्यांच्यावर होते. कर्जाच्या पैशातून त्यांनी गावात घर बांधले होते. मात्र, कर्जाची परतफेड त्यांना करता आली नाही.
वडिलांच्या डोक्यावर असलेलं हे कर्ज फेडता फेडता त्या तरुण शेतकऱ्याच्या नाकी नऊ आले होते.कर्ज वाढत जातं असल्याने तो चिंतेत देखील होता. त्यातच नापिकी तो हतबल देखील झाला होता. अखेर रोकडेश्वरने टोकाचं पाऊल उचललं. तो शुक्रवारी सकाळी तो शेताकडे कडे गेला. त्यानंतर त्याने आपल्या शेतातील झाडाला दोरीने गळफास घेऊन आत्महत्या केली. डोक्यावर कर्जाच डोंगर त्यातच मुलाने आत्महत्या केल्याने शिंदे कुटुंबीयांवर आभाळ कोसळलं आहे.
चांदवडला नवसपूर्तीला गेले, जिच्यासाठी नवस तिलाच गमावलं, ७ महिन्यांच्या मुलीसह आई बुडाली
या घटनेची माहिती मिळताच उस्माननगर पोलिसांनी घटस्थाळी धाव घेतली आणि पंचनामा केला. दरम्यान या प्रकरणी उस्माननगर पोलिसांनी आकस्मिक मृत्यूची नोंद केली आहे. दरम्यान, अवघ्या २३ व्या वर्षात तरुण शेतकऱ्याने टोकाचं पाऊल उचल्याने एकच खळबळ उडाली असून या घटनेने हळहळ व्यक्त होतं आहे.
बस १५० फूट खोल दरीत कोसळली, पोलीस कर्मचारी मागचापुढचा विचार न करता पहाटेच्या काळोखात दरीत उतरले
घाईगडबडीत कर्ज हवं म्हणून अॅपवरून पैसे घेताय? थांबा ! लोन अॅप घोटाळा समजून घ्या